ബംഗളൂരു- മൈസൂർ അതിവേഗ പത്ത് വരിപ്പാത രാജ്യത്തിന് സമര്‍പ്പിച്ച് പ്രധാനമന്ത്രി

മൈസൂരു -ബെംഗളുരു എക്സ്പ്രസ് വേ പ്രധാനമന്ത്രി നരേന്ദ്രമോദി നാടിന് സമർപ്പിച്ചു. ഇതോടെ മൂന്ന് മണിക്കൂർ ബെംഗളുരു- മൈസുരു യാത്രാ സമയം 75 മിനിറ്റായി കുറയും. 8480 കോടി രൂപ ചിലവഴിച്ച് നിർമ്മിച്ച  117 കിലോമീറ്റർ ദൈർഘ്യമുള്ള പാതയിൽ  മെയിൻ റോഡ് ആറ് വരിയും സർവീസ് റോഡ് നാല് വരിയുമാണ്.   മൈസൂരു - കുശാൽ നഗർ നാലുവരിപാതയുടെ നിർമ്മാണ ഉത്‌ഘാടനവും ഇതോടൊപ്പം പ്രധാനമന്ത്രി നിർവഹിച്ചു. മാണ്ഡ്യയിൽ വികസനം കൊണ്ടുവരാൻ ബിജെപിയുടെ ഡബിൾ എന്‍ജിൻ സർക്കാരിന് മാത്രമേ കഴിയൂ എന്ന് പാത ഉദ്ഘാടനം ചെയ്യവേ പ്രധാനമന്ത്രി നരേന്ദ്രമോദി പറഞ്ഞു. ഉദ്ഘാടനത്തിന് മുന്നോടിയായി രണ്ടു കിലോമീറ്റർ ദൂരത്തിൽ  പ്രധാനമന്ത്രിയുടെ റോഡ് ഷോയും നടന്നു.