ജലനിരപ്പ് കുറഞ്ഞു; ഇടുക്കി അണക്കെട്ടിൽ വൈദ്യുതി ഉൽപ്പാദനം പ്രതിസന്ധിയിൽ 

ഇടുക്കി അണക്കെട്ടിലെ ജലനിരപ്പ് 2354.40 അടിയായി കുറഞ്ഞു. കഴിഞ്ഞ വർഷത്തെക്കാൾ 22 അടിയാണ് ജലനിരപ്പ് താണത്.  രണ്ടു മാസത്തേക്ക് വൈദ്യുതി ഉൽപ്പാദിപ്പിക്കാനുള്ള  വെള്ളം മാത്രമാണ് അണക്കെട്ടിൽ ഇപ്പോഴുള്ളത്. ഇത്  സംഭരണ ശേഷിയുടെ 49.50 ശതമാനം  മാത്രമാണ്. കഴിഞ്ഞവർഷം ഇതേസമയം 71% വെള്ളം അണക്കെട്ടിൽ ഉണ്ടായിരുന്നു. ജലനിരപ്പ് 2199 അടിയെത്തിയാൽ മൂലമറ്റം വൈദ്യുതി ഉൽപ്പാദനം നിർത്തേണ്ടി വരികയും  കടുത്ത വൈദ്യുതി പ്രതിസന്ധിക്ക് കാരണമാകുകയും ചെയ്യും. തുലാവർഷവും  വേനൽ മഴയും ലഭിക്കാത്തതാണ്  പ്രതിസന്ധിക്ക് കാരണം.