ആക്‌സിഡന്റ് ജി.ഡി എന്‍ട്രി ലഭ്യമാക്കി കേരളാ പോലീസിൻ്റെ പോല്‍ ആപ്പ്
By: 600021 On: Feb 20, 2023, 12:47 AMഅപകട ശേഷം പോലീസ് സ്റ്റേഷൻ കയറി ഇറങ്ങാതെ വാഹനങ്ങളുടെ ഇന്‍ഷുറന്‍സിന് ജനറല്‍ ഡയറി എന്‍ട്രി (ജി.ഡി എന്‍ട്രി) ലഭ്യമാക്കുന്നതിന് സൗകര്യമൊരുക്കി കേരള പൊലീസിൻ്റെ പോല്‍ മൊബൈല്‍ ആപ്പ്. അപേക്ഷകന് പോൽ ആപ്പിൽ Request Accident GD എന്ന സേവനം തെരെഞ്ഞെടുത്ത് വ്യക്തി വിവരങ്ങളും ആക്‌സിഡന്റ് സംബന്ധമായ വിവരങ്ങളും ഫോട്ടോ സഹിതം രേഖപ്പെടുത്തി സബ്മിറ്റ് ചെയ്യാവുന്നതാണ്. അപേക്ഷയിന്മേല്‍ പൊലീസ് പരിശോധന പൂര്‍ത്തിയായ ശേഷം ജി. ഡി എന്‍ട്രി ഡൌണ്‍ലോഡ് ചെയ്ത് പ്രിന്റ് എടുക്കാം. ഒരിക്കല്‍ റജിസ്‌ട്രേഷന്‍ നടത്തിയാല്‍ പിന്നെ, പൊലീസുമായി ബന്ധപ്പെട്ട ഏതു സേവനങ്ങള്‍ക്കും അതുമതിയാകും. പൊതുജനങ്ങള്‍ക്കായി മറ്റു പല സേവനങ്ങളും പോല്‍ ആപ്പില്‍ ലഭ്യമാണെന്നും കേരള പൊലീസ് അറിയിച്ചു.