പ്രതിസന്ധികളിൽ വലഞ്ഞു പാകിസ്ഥാൻ; സൗഹൃദ രാജ്യങ്ങളോട് സഹായമഭ്യർത്ഥിച്ചു  

 

കാർഷിക മേഖലയെ തകർത്ത പ്രളയം,വിദേശകടബാധ്യത, അവശ്യസാധനങ്ങളുടെ വിലവർദ്ധനവ്, ഊർജമേഖലയിലെ പ്രതിസന്ധി,പാചകവാതക ക്ഷാമം  തുടങ്ങിയ പ്രതിസന്ധികളിൽ വലഞ്ഞു പാകിസ്ഥാൻ.  രണ്ടരലക്ഷം കോടിയിലേറെ രൂപയുടെ നഷ്ടമുണ്ടാക്കിയ  പ്രളയം പാകിസ്ഥാൻ്റെ  ഭക്ഷ്യോൽപാദനത്തെയും സാമ്പത്തിക രം​ഗത്തെയും സാരമായി ബാധിച്ചു.  വിലക്കയറ്റം തടയുന്നതിന് സര്‍ക്കാര്‍ കുറഞ്ഞ വിലക്ക് അവശ്യസാധനങ്ങൾ നൽകുന്നുണ്ടെങ്കിലും അത് മതിയാകാത്ത അവസ്ഥയിലാണ്. ഇന്ധനവില കുതിച്ചുയർന്നത്  ഊർജമേഖലയിലും  പ്രതിസന്ധി സൃഷ്ടിച്ചു. ഷോപ്പിങ് മാളുകൾ മാര്‍ക്കറ്റുകൾ  ഓഡിറ്റോറിയങ്ങൾ തുടങ്ങിയവയുടെ പ്രവർത്തന സമയത്തിൽ നിയന്ത്രണം ഏർപ്പെടുത്തി.  വൈദ്യുതി ഉപഭോ​ഗം കുറയ്ക്കാനുള്ള മാർഗങ്ങളും സ്വീകരിച്ചതിലൂടെ ഏകദേശം 62 ബില്യണ്‍ രൂപ ലാഭിക്കാനാവുമെന്നാണ് സര്‍ക്കാറിൻ്റെ  കണക്കുകൂട്ടൽ. സാമ്പത്തിക സഹായത്തിനായി സൗഹൃദ രാജ്യങ്ങളായ ചൈനയെയും സൗദിയെയും സമീപിച്ചിരിക്കുകയാണ് പാകിസ്ഥാൻ ഇപ്പോൾ. ഐഎംഎഫിൽ നിന്ന് ലഭിക്കാനുള്ള പണത്തിനായി സമ്മർദ നീക്കവും ശക്തമാക്കി.