വണ്‍ റാങ്ക് വണ്‍ പെന്‍ഷന്‍ കുടിശിക മാര്‍ച്ചിനുള്ളില്‍ തീർപ്പാക്കണമെന്ന് സുപ്രീംകോടതി
By: 600021 On: Jan 9, 2023, 8:05 PMവണ്‍ റാങ്ക്, വണ്‍ പെന്‍ഷന്‍ പദ്ധതിയുടെ കുടിശിക പ്രശ്‌നം ഉടന്‍ പരിഹരിക്കുമെന്നും വിഷയം താന്‍ വ്യക്തിപരമായി തന്നെ പരിശോധിക്കുമെന്നും അറ്റോര്‍ണി ജനറല്‍ എസ്. വെങ്കിട്ടരമണി. 25 ലക്ഷം പെന്‍ഷന്‍കാരുള്ള പദ്ധതിയില്‍ പെന്‍ഷന്‍ കണക്കാക്കുന്ന നടപടി പ്രതിരോധ മന്ത്രാലയത്തിന്‍റെ കീഴിലുള്ള ധനവകുപ്പ് നടത്തി വരികയാണെന്നും എജി വ്യക്തമാക്കി. അതേസമയം മാർച്ച് 15 ന് അകം കുടിശിക കൊടുത്ത് തീര്‍ക്കണമെന്ന് ചീഫ് ജസ്റ്റിസ് ഡി.വൈ ചന്ദ്രചൂഡ്, ജസ്റ്റിസ് പി. എസ് നരസിംഹ എന്നിവര്‍ ഉള്‍പ്പെട്ട സുപ്രീംകോടതി ബെഞ്ച് നിർദേശിച്ചു.കഴിഞ്ഞ മാര്‍ച്ചില്‍ വണ്‍ റാങ്ക് വണ്‍ പെന്‍ഷനിലെ കേന്ദ്രസർക്കാരിന്‍റെ നയവും നടപ്പാക്കുന്ന രീതിയും സുപ്രീംകോടതി ശരിവച്ചിരുന്നു.