ലെയിന്‍ ട്രാഫിക് കര്‍ശനമാക്കും; നിര്‍ദ്ദേശങ്ങള്‍ ലംഘിക്കുന്നവര്‍ക്കെതിരെ കര്‍ശന നടപടി
By: 600021 On: Jan 6, 2023, 7:33 PMസംസ്ഥാനത്ത് വാഹനങ്ങള്‍ നിര പാലിച്ച് ഓടിക്കുന്നതു (ലെയിന്‍ ട്രാഫിക്) സംബന്ധിച്ച നിബന്ധനകള്‍ കര്‍ശനമായി നടപ്പാക്കുമെന്നും നിര്‍ദ്ദേശങ്ങള്‍ ലംഘിക്കുന്നവര്‍ക്കെതിരെ കര്‍ശന നടപടി സ്വീകരിക്കുമെന്നും മന്ത്രി ആന്‍ററണി രാജു. മോട്ടോര്‍ വാഹന വകുപ്പിന്‍റെ കണക്ക് പ്രകാരം റോഡപകടങ്ങളില്‍ 65 ശതമാനവും മരണങ്ങളില്‍ 50 ശതമാനത്തിലേറെയും നിര തെറ്റിച്ചും അശ്രദ്ധമായും വാഹനങ്ങള്‍ ഓടിക്കുന്നതു വഴിയാണ് സംഭവിക്കുന്നത്. ഈ പശ്ചാത്തലത്തിലാണ് സംസ്ഥാനത്ത് ലെയിന്‍ ട്രാഫിക് ബോധവല്‍ക്കരണത്തിന് തുടക്കമിട്ടത്. ഇതോടനുബന്ധിച്ച് നടത്തിയ ബോധവല്‍ക്കരണ യജ്ഞത്തിൽ ട്രാന്‍സ്പോര്‍ട്ട് കമ്മീഷണര്‍ ഉള്‍പ്പെടെ മോട്ടോര്‍ വാഹന വകുപ്പിലെ ഭൂരിഭാഗം ഉദ്യോഗസ്ഥരും നിരത്തിലിറങ്ങി പരിശോധനയും ബോധവല്‍ക്കരണവും നടത്തി. വിവിധ ഭാഷകളില്‍ തയ്യാറാക്കിയ ലഘു ലേഖകള്‍ ഡൈവര്‍മാര്‍ക്ക് വിതരണം ചെയ്തു.