കൊച്ചി മെട്രോ;രണ്ടാം ഘട്ട നിർമാണം 2 വർഷം കൊണ്ട് പൂർത്തിയാക്കാനൊരുങ്ങി കെഎംആർഎൽ

രണ്ട് വർഷം കൊണ്ട് പൂർത്തിയാക്കാൻ  ലക്ഷ്യമിടുന്ന കൊച്ചി മെട്രോ രണ്ടാം ഘട്ടം നിർമ്മാണം  മാർച്ച് മാസത്തിൽ തന്നെ  തുടങ്ങാൻ കെഎംആർഎൽ.കലൂർ ജവഹർലാൽ നെഹ്റു സ്റ്റേഡിയം മുതൽ ഇൻഫോപാർക്ക് വരെ 11.25 കിലോമീറ്റർ ദൂരത്തിൽ നിർമിക്കുന്ന രണ്ടാം ഘട്ട  പദ്ധതിയിൽ  ജനറൽ കണ്‍സൾട്ടന്‍റിനെ ഈ മാസം 15ന് തീരുമാനിക്കും. 1957 കോടി രൂപയാണ്  പ്രതീക്ഷിക്കുന്ന നിർമ്മാണ ചെലവ്.  കൊച്ചി മെട്രോ നിർമ്മാണത്തിന് മുന്നോടിയായുള്ള റോഡ് നവീകരണവും പ്രാഥമിക പ്രവർത്തികളും 80 ശതമാനം പൂർത്തിയായെന്ന് എംഡി ലോക്നാഥ് ബെഹ്റ വ്യക്തമാക്കി.