ട്രാന്‍സിറ്റ് ജീവനക്കാരുടെ സുരക്ഷ: ബജറ്റില്‍ 53 മില്യണ്‍ ഡോളര്‍ വിനിയോഗിക്കുമെന്ന് ടൊറന്റോ സിറ്റി

By: 600002 On: Jan 5, 2023, 9:51 AM

ജീവനക്കാരുടെ സുരക്ഷയ്ക്കായി ടൊറന്റോ ട്രാന്‍സിറ്റ് കമ്മീഷന് അധികമായി 53 മില്യണ്‍ ഡോളര്‍ ലഭ്യമാക്കുമെന്ന് ടൊറന്റോ സിറ്റി. യാത്രക്കാര്‍ക്കും ടിടിസി ജീവനക്കാര്‍ക്കും സുരക്ഷ ഉറപ്പാക്കുന്നതിന്റെ ഭാഗമായാണ് സബ്‌സിഡി വര്‍ധിപ്പിക്കുന്നതെന്ന് മേയര്‍ ജോണ്‍ ടോറി അറിയിച്ചു. നിരക്കുകള്‍ 10 സെന്റ് വര്‍ധിപ്പിക്കുമെന്നും അദ്ദേഹം പ്രഖ്യാപിച്ചു. ഈ വര്‍ഷം മൊത്തം 958 മില്യണ്‍ ഡോളറാണ് ട്രാന്‍സിറ്റ് കമ്മീഷന് ലഭിക്കുക. 

ലൈന്‍ 5 എഗ്ലിന്റണ്‍-ക്രോസ്ടൗണും ലൈന്‍ 6 ഫിഞ്ച് വെസ്റ്റും തുറന്നു പ്രവര്‍ത്തിക്കുന്നതിനായും സ്‌കാര്‍ബറോ ആര്‍ടിയുടെ ബസ് റിപ്ലേസ് ചെയ്യുന്നതിനും 43 മില്യണ്‍ ഡോളര്‍ ഇതിനകം ലഭ്യമായിക്കഴിഞ്ഞെന്ന് ടിടിസി അറിയിച്ചു. സേഫ്റ്റി, സെക്യൂരിറ്റി, ക്ലീന്‍ലിനസ് എന്നിവയ്ക്കായി 4 മില്യണ്‍ ഡോളര്‍ അധികമായി അനുവദിക്കും. ഹോംസ് ഔട്ട്‌റീച്ച് തൊഴിലാളികള്‍ക്ക് 10 അധിക സ്ട്രീറ്റുകളെ നിയമിക്കുന്നതിനും 25 പുതിയ സ്‌പെഷ്യല്‍ കോണ്‍സ്റ്റബിള്‍ തസ്തികകള്‍ കൂട്ടിച്ചേര്‍ക്കുന്നതിനും 25 ഒഴിവുള്ള സ്പഷ്യല്‍ കോണ്‍സ്റ്റബിള്‍ തസ്തികകള്‍ നികത്തുന്നതിനും പണം വിനിയോഗിക്കുമെന്ന് ടിടിസി അറിയിച്ചു. 

മുതിര്‍ന്നവര്‍ക്കും പ്രതിമാസ പാസ് ഉപഭോക്താക്കള്‍ക്കുമുള്ള ട്രാന്‍സിറ്റ് നിരക്കുകള്‍ മരവിപ്പിക്കുമെന്നും കൂടാതെ പൊതു നിരക്കുകള്‍ 10 സെന്റ് വര്‍ധിപ്പിക്കുമെന്നും പ്രഖ്യാപനത്തില്‍ ജോണ്‍ ടോറി അറിയിച്ചു. പുതിയ നിരക്കുകളില്‍ 3.1 ശതമാനം വര്‍ധനവാണ് ഉണ്ടാകുന്നതെന്നും അദ്ദേഹം വ്യക്തമാക്കി.