ചൈനയടക്കം 6 വിദേശ രാജ്യങ്ങളില് നിന്ന് ഇന്ത്യയിലേക്ക് വരുന്നവര്ക്ക് ജനുവരി 1 മുതല് കൊവിഡ് നെഗറ്റീവ് സര്ട്ടിഫിക്കറ്റ് നിര്ബന്ധമെന്ന് കേന്ദ്ര സര്ക്കാര് ഉത്തരവ്. ചൈന, ഹോങ്കോംഗ്, സിംഗപ്പൂര്,ജപ്പാന്, ദക്ഷിണ കൊറിയ, തായ്ലന്റ് എന്നിവടങ്ങലില് നിന്ന് വരുന്നവര് എയര് സുവിധ പോര്ട്ടലില് ആര്ടിപിസിആര് പരിശോധനഫലം അപ്ലോഡ് ചെയ്യണം.ജനുവരി പകുതിയോടെ രാജ്യത്തെ കൊവിഡ് കേസുകളിൽ വർധനയുണ്ടാകുമെന്ന മുന്നറിയിപ്പിനെത്തുടർന്നുള്ള ജാഗ്രതയുടെ ഭാഗമായാണ് ഉത്തരവ്. നിലവിൽ കൊവിഡ് സ്ഥിരീകരിച്ച അന്താരാഷ്ട്ര യാത്രക്കാരിൽ ഭൂരിഭാഗം പേർക്കും നേരിയ ലക്ഷണങ്ങൾ മാത്രമാണുള്ളത് എന്നിരിക്കെ കൊവിഡ് കേസുകൾ കൂടിയാലും ആശുപത്രിയിൽ ചികിത്സ തേടുന്നവരുടെ എണ്ണം കുറവായിരിക്കുമെന്നാണ് വിദഗ്ധരുടെ അഭിപ്രായം.