ആധാര്‍ കാര്‍ഡില്‍ പുതിയ മാര്‍ഗ നിര്‍ദ്ദേശം;ആധാർ വിവരങ്ങൾ ഓരോ പത്തു വർഷത്തിലും പുതുക്കണം
By: 600021 On: Nov 10, 2022, 6:34 PMആധാര്‍ കാര്‍ഡ് ഉപയോഗിച്ചുള്ള തട്ടിപ്പ് വ്യാപകമാകുന്ന പശ്ചാത്തലത്തിൽ പുതിയ മാര്‍ഗ നിര്‍ദ്ദേശവുമായി കേന്ദ്രം.ഓരോ പത്ത് വര്‍ഷം കൂടുമ്പോഴും വിവരങ്ങള്‍ പുതുക്കുന്നത് നിര്‍ബന്ധമാക്കി . തിരിച്ചറിയൽ ,മേൽവിലാസ രേഖകൾ ഫോണ്‍നമ്പർ എന്നിവ നൽകി ഓൺലൈനായി വിവരങ്ങൾ പുതുക്കി നൽകിയാൽ മതിയാകും. വിവരങ്ങളില്‍ മാറ്റം ഇല്ലെങ്കില്‍ പോലും അതാത് സമയത്തെ രേഖകള്‍ നല്‍കാമെന്നും കേന്ദ്രം വ്യക്തമാക്കി. ഇതിനായി ഓണ്‍ലൈന്‍ പോര്‍ട്ടൽ, ആധാര്‍ കേന്ദ്രങ്ങൾ തുടങ്ങിയവയുടെ സേവനം ലഭ്യമാക്കാവുന്നതാണ് .
സർക്കാർ ആനുകൂല്യങ്ങൾ ലഭിക്കുന്നതിനും തിരിച്ചറിയൽ/സർട്ടിഫിക്കേഷനിലെ അസൗകര്യങ്ങൾ ഒഴിവാക്കാനും വ്യക്തികൾ അവരുടെ ആധാർ ഡാറ്റ അപ്‌ഡേറ്റ് ചെയ്യേണ്ടതുണ്ട്.കഴിഞ്ഞ 10 വർഷത്തിനിടയിൽ, വ്യക്തികളുടെ തിരിച്ചറിയൽ മാർഗമായി മാറിയ ആധാർ ഐറിസ്, വിരലടയാളം, ഫോട്ടോഗ്രാഫുകൾ എന്നിവയുടെ സഹായത്തോടെയാണ് രജിസ്റ്റർ ചെയ്യുന്നത്.വിവിധ സർക്കാർ പദ്ധതികളിലും സേവനങ്ങളിലും ആധാർ നമ്പർ നിർബന്ധമാണ്.