എൻ.എസ്സ്. എസ്സ് എഡ്‌മന്റന്റെ ഈ വർഷത്തെ ഓണാഘോഷം വിപുലമായ രീതിയിൽ ആഘോഷിച്ചു 

എൻ.എസ്സ്. എസ്സ് ഓഫ് എഡ്മന്റന്റെ ഈ വർഷത്തെ ഓണാഘോഷം 'ഓണം ഫെസ്റ്റ് 2022' ഓഗസ്റ്റ് 28-ന് എഡ്മന്റൺ പ്ലസന്റ് വ്യൂ കമ്മ്യൂണിറ്റി ഹാളിൽ സമുചിതമായി നടന്നു.  പ്രസിഡന്റ് ശ്രീ. ടീ. ജി. ശ്രീധരൻ പിള്ളയുടെ അധ്യക്ഷതയിൽ ആഘോഷങ്ങൾ പ്രശസ്ത സിനിമ സംവിധായകൻ ശ്രീ.സുജിത്ത് വിഘ്നേശ്വർ ഭദ്രദീപം കൊളുത്തി ഉദ്ഘാടനം നിർവഹിച്ചു. പ്രൊഫ: രമ നാരായണൻ വിശിഷ്ടാതിഥി ആയി ഓണ സന്ദേശം നല്കി. തുടർന്നു വിഭവ സമൃദ്ധമായ ഓണാസദ്യയും ശേഷം എൻ.എസ്സ്.എസ്സ് കുടുംബാംഗങ്ങളും , പ്രൊഫഷണൽ കലാകാരന്മാരും അവതരിപ്പിച്ച വിവിധ കലാപരിപാടികൾ ആഘോഷങ്ങൾക്ക് കൊഴുപ്പേകി. കലാപരിപാടികളിൽ പങ്കെടുത്ത എല്ലാ കലാകാരന്മാർക്കും മന്നം മെമ്മൊറിയൽ മോമെന്റോ നല്കി ആദരിച്ചു. വൈകിട്ട് ദേശീയഗാനത്തോട് കൂടി ആഘോഷങ്ങൾ സമാപിച്ചു. ആഘോഷങ്ങളുടെ കൂടുതൽ ചിത്രങ്ങൾ താഴെ: