യുഎസ് വിദ്യാര്‍ത്ഥികള്‍ക്ക് വായ്പാ ഇളവ് പ്രഖ്യാപിച്ച് ജോ ബൈഡന്‍
By: 600002 On: Aug 25, 2022, 7:38 AM
40 മില്യണോളം അമേരിക്കന്‍ വിദ്യാര്‍ത്ഥികള്‍ക്ക് ആശ്വാസവുമായി പ്രസിഡന്റ് ജോ ബൈഡന്റെ പുതിയ പ്രഖ്യാപനം. വിദ്യാര്‍ത്ഥികളുടെ കടത്തിന്റെ തിരിച്ചടവിന്റെ ഭാരം കുറയ്ക്കുന്നതിനുള്ള നടപടികള്‍ ആരംഭിച്ചതായി ബൈഡന്‍ അറിയിച്ചു. കടം റദ്ദാക്കല്‍ ഇനത്തില്‍ 10,000 ഡോളര്‍ നല്‍കുമെന്ന വാഗ്ദാനവും, ഏറ്റവും കൂടുതല്‍ സാമ്പത്തിക ആവശ്യമുള്ളവര്‍ക്ക് 10,000 ഡോളര്‍ വരെ നല്‍കുമെന്ന പ്രചാരണ വാഗ്ദാനവും നിറവേറ്റാനുള്ള പദ്ധതിയാണ് പ്രസിഡന്റ് ജോ ബൈഡന്‍ ബുധനാഴ്ച പ്രഖ്യാപിച്ചത്.
പ്രതിവര്‍ഷം 125,000 ഡോളറില്‍ താഴെ വരുമാനമുള്ള കടം വാങ്ങുന്നവര്‍ക്കും 250,000 ഡോളറില്‍ താഴെ വരുമാനമുള്ള കുടുംബങ്ങള്‍ക്കും 10,000 ഡോളര്‍ വായ്പാ ഇളവിന് അര്‍ഹതയുണ്ടെന്ന് ബൈഡന്‍ ട്വീറ്റില്‍ അറിയിച്ചു. ഏറ്റവും പ്രധാനപ്പെട്ട സാമ്പത്തിക ആവശ്യങ്ങളുള്ള ബിരുദധാരികള്‍ക്കായി കരുതിവച്ചിരിക്കുന്ന പെല്‍ ഗ്രാന്റ് സ്വീകര്‍ത്താക്കള്‍ക്ക്,ഫെഡറല്‍ ലോണ്‍ കടത്തില്‍ അധികമായി ഫെഡറല്‍ ഗവണ്‍മെന്റ് 10,000 ഡോളര്‍ വരെ റദ്ദാക്കും.
അതേസമയം, ഇടക്കാല തെരഞ്ഞെടുപ്പിന് മുന്നോടിയായി ചരിത്രപരവും എന്നാല്‍ രാഷ്ട്രീയമായി ഭിന്നിപ്പിക്കുന്നതുമായ നീക്കമാണിതെന്ന് രാഷ്ട്രീയ നിരീക്ഷകര്‍ പ്രഖ്യാപനത്തെ വിലയിരുത്തുന്നു.