കാൽഗറി സൗത്ത് വെസ്റ്റിൽ വെടിവെയ്പ്പ്; ഒരു സ്ത്രീ മരിച്ചു,മറ്റൊരാളുടെ നില ഗുരുതരം 

വ്യാഴാഴ്‌ച രാവിലെ കാൽഗറി സൗത്ത് വെസ്റ്റ് എവർ ഗ്രീൻ കമ്മ്യൂണിറ്റിയിൽ ഉണ്ടായ വെടിവെയ്പ്പിൽ ഒരു സ്ത്രീ മരിക്കുകയും വെടിയേറ്റ മറ്റൊരാളെ ഗുരുതര നിലയിൽ ആശുപത്രിയിൽ പ്രവേശിപ്പിക്കുകയും ചെയ്തു. സംഭവത്തെ ക്കുറിച്ച് പോലീസ് അന്വേഷണം ആരംഭിച്ചു.വ്യഴാഴ്‌ച രാവിലെ ഏകദേശം 8 മണിയോടെ കാൽഗറി സൗത്ത് വെസ്റ്റ് എവർവുഡ്സ് കോർട്ടിലാണ് സംഭവം നടന്നത്. നിർത്തിയിട്ടിരുന്ന കാറിൽ 30 വയസ്സ് പ്രായമുള്ള ഒരു സ്ത്രീയെ മരിച്ച നിലയിലും 30 വയസ്സുള്ള പുരുഷനെ ഗുരുതരമായി പരുക്കേറ്റ നിലയിലുമാണ് സംഭവ സ്ഥലത്തെത്തിയ എമെർജൻസി ക്രൂ കണ്ടെത്തിയത്. 

2022-ൽ ഇതുവരെ കാൽഗറിയിൽ നടന്ന 92-ാമത്തെ വെടിവെപ്പാണ് ഈ സംഭവം. വെടിവയ്പിനെക്കുറിച്ച് എന്തെങ്കിലും വിവരമുള്ളവർ കാൽഗറി പോലീസ് സർവീസിന്റെ നോൺ-എമർജൻസി ലൈനിലേക്ക് 403-266-1234 എന്ന നമ്പറിലോ അജ്ഞാതമായി ക്രൈം സ്റ്റോപ്പേഴ്‌സിനെ 1800-222-8477 എന്ന നമ്പറിലോ ബന്ധപ്പെടുവാൻ പോലീസ് അഭ്യർത്ഥിച്ചു.