ക്രെഡിറ്റ് കാര്‍ഡ് ബാലന്‍സ് കുടിശ്ശിക: തിങ്കളാഴ്ച മുതല്‍ മിനിമം പേയ്‌മെന്റ് വര്‍ധിക്കും 

ക്രെഡിറ്റ് കാര്‍ഡ് ബാലന്‍സില്‍ മിനിമം പേയ്‌മെന്റ് അടയ്ക്കുന്നതിനുള്ള നിയമങ്ങളിലെ പ്രധാനമാറ്റം തിങ്കളാഴ്ച മുതല്‍ പ്രാബല്യത്തില്‍ വരും. 2019 ഓഗസ്റ്റ് 1 ന് മുമ്പ് ക്രെഡിറ്റ് കാര്‍ഡ് കൈവശമുള്ളവരും പ്രതിമാസ മിനിമം പേയ്‌മെന്റ് 3.5 ശതമാനത്തില്‍ താഴെയുള്ളവരും സ്റ്റേറ്റ്‌മെന്റില്‍ സൂചിപ്പിച്ചിരിക്കുന്ന ബാക്കി തുകയുടെ 3.5 ശചതമാനത്തിന് തുല്യമായ തുക ഓരോ മാസവും പേയ്‌മെന്റ് നടത്തണം. ഈ മാറ്റം 2023 ജൂലൈ 31 വരെ പ്രാബല്യത്തിലുണ്ടാകും. 

2023 ഓഗസ്റ്റ് 1 മുതല്‍, ക്രെഡിറ്റ് കാര്‍ഡ് ഇഷ്യൂവര്‍ കുടിശ്ശികയുള്ള തുകയുടെ കുറഞ്ഞത് 4 ശതമാനമെങ്കിലും അടയ്ക്കണമെന്ന് ക്യൂബെക്ക് ഉപഭോക്തൃ സംരക്ഷണ ഓഫീസ് (OPCQ) അറിയിച്ചു. ഒരു വര്‍ഷത്തിന് ശേഷം 2024 ഓഗസ്റ്റ് 1 ന് 4.5 ശതമാനമായും 2025 ഓഗസ്റ്റ് 1 ന് 5 ശതമാനമായും വര്‍ദ്ധിപ്പിക്കുമെന്നും ഉപഭോക്തൃ സംരക്ഷണ ഓഫീസ് വ്യക്തമാക്കി. ഉപഭോക്തൃ സംരക്ഷണ നിയമം, ആവശ്യമായി വന്നേക്കാവുന്ന ഏറ്റവും കുറഞ്ഞ പേയ്മെന്റിന്റെ ശതമാനം സജ്ജീകരിക്കുന്നുവെന്ന് OPCQ ചൂണ്ടിക്കാണിക്കുന്നു.

ക്രെഡിറ്റ് ഫീസ് ലാഭിക്കാന്‍ എല്ലാ മാസവും ക്രെഡിറ്റ് കാര്‍ഡില്‍ ബാക്കി തുക അടയ്ക്കുന്നതാണ് നല്ലതെന്ന് ഉപഭോക്തൃ സംരക്ഷണ ഓഫീസ് നിര്‍ദ്ദേശിച്ചു. ഓരോ മാസവും മിനിമം പേയ്മെന്റ് അടയ്ക്കുന്നത് കടം തിരിച്ചടവ് കുറയ്ക്കും.

കനേഡിയന്‍ ഉപഭോക്താക്കള്‍ അവരുടെ ക്രെഡിറ്റ് കാര്‍ഡുകള്‍ കൂടുതലായി ഉപയോഗിക്കുന്നുണ്ടെന്നാണ് ക്രെഡിറ്റ് വിശകലന സ്ഥാപനമായ ഇക്വിഫാക്‌സ് കാനഡ റിപ്പോര്‍ട്ട് ചെയ്യുന്നത്. 2022 ന്റെ ആദ്യ പാദത്തില്‍ കഴിഞ്ഞ വര്‍ഷത്തെ ഇതേ കാലയളവിനെ അപേക്ഷിച്ച് ശരാശരി പ്രതിമാസ ക്രെഡിറ്റ് കാര്‍ഡ് ചെലവ് 17.5 ശതമാനം ഉയര്‍ന്നു. ക്രെഡിറ്റ് കാര്‍ഡ് ചെലവിലെ ഏറ്റവും വലിയ വര്‍ധന, ഒന്റാരിയോയിലും, ക്യൂബെക്കിലും 20.4 ശതമാനം രേഖപ്പെടുത്തി.