ബംഗാളിന്റെ 'ഒരുരൂപ ഡോക്ടർ' സുഷോവൻ ബാനർജി അന്തരിച്ചു

ബംഗാളിന്റെ 'ഒരുരൂപ ഡോക്ടർ' എന്നറിയപ്പെടുന്ന സുഷോവൻ ബാനർജി (84) അന്തരിച്ചു. ചൊവ്വാഴ്ച കൊൽക്കത്തയിലെ ആശുപത്രിയിൽ വച്ചായിരുന്നു അദ്ദേഹത്തിന്റെ അന്ത്യം. രണ്ടുവർഷമായി വൃക്കരോഗബാധിതനായിരുന്നു. ഡോക്ടറും രാഷ്ട്രീയ പ്രവർത്തകനുമായിരുന്ന ബാനർജി 60 വർഷത്തോളം ഒരുരൂപമാത്രം വാങ്ങിയാണ് രോഗികളെ ചികിത്സിച്ചിരുന്നത്.

 

2020-ൽ അദ്ദേഹത്തിന് പദ്മശ്രീ നൽകി രാജ്യം ആദരിച്ചിരുന്നു. ഏറ്റവുമധികം രോഗികളെ ചികിത്സിച്ചതിന് അതേവർഷംതന്നെ ഗിന്നസ് റെക്കോഡും ലഭിച്ചു. ബോൽപുരിൽ എം.എൽ.എ.യായിരുന്നു. ബാനർജിയ്യുടെ മരണത്തിൽ പ്രധാനമന്ത്രി നരേന്ദ്രമോദിയും മുഖ്യമന്ത്രി മമതാ ബാനർജിയും അനുശോചിച്ചു.