ലോകത്തിലെ ഏറ്റവും ഉയരംകൂടിയ ചുവർചിത്രം കാൽഗറിയിൽ ഒരുങ്ങുന്നു

 

ജർമ്മൻ ഗ്രാഫിറ്റി കലാകാരനായ മിർക്കോ റെയ്‌സർ കാൽഗറിയിൽ, ലോകത്തിലെ ഏറ്റവും ഉയരം കൂടിയ ചുവർചിത്രം സൃഷ്ടിക്കാനൊരുങ്ങുന്നു. ഡൈയിം എന്നറിയപ്പെടുന്ന മിർക്കോ റെയ്‌സർ, 123, ടെൻത്ത് അവന്യൂ (S.W)ലെ ആദ്യ ബിൽഡിംഗിന്റെ കിഴക്ക് വശത്താണ് ചുവർചിത്രത്തിന്റെ ജോലികൾ പുരോഗമിക്കുന്നത്.

1980-കളിൽ ജർമ്മനിയിലെ ഹാംബർഗിലാണ് റെയ്സർ തന്റെ കരിയർ ആരംഭിച്ചത്. കമ്പ്യൂട്ടറിൽ ക്രാഫ്റ്റിംഗ് ചെയ്യുന്നതിന് മുൻപ് സ്കെച്ച് ചുവരിൽ വയ്ക്കാനായി ഏഴ് ദിവസമെടുത്തതായി റെയ്സർ പറയുന്നു. ഈ മാസം അവസാനത്തോടെ ടവറിംഗ് ആർട്ട് പ്രോജക്റ്റ് പൂർത്തിയാകുമെന്നാണ് പ്രതീക്ഷിക്കുന്നത്.

പൊതു ഇടങ്ങൾ കലയിലൂടെ പുനർരൂപകൽപ്പന ചെയ്യുന്ന  കലാകാരന്മാർ ഒന്നിക്കുന്ന ബെൽറ്റ്‌ലൈൻ അർബൻ മ്യൂറൽസ് പ്രോജക്റ്റ് (BUMP) ഫെസ്റ്റിവലിന്റെ ഭാഗമായാണ് ടവറിങ് ആർട്ട്‌ ഒരുക്കുന്നത്. കാൽഗറിയുടെ 2022 ലെ BUMP ഫെസ്റ്റിവൽ ഓഗസ്റ്റ് 1 മുതൽ 28 വരെയാണ് നടക്കുക.