കുട്ടികൾക്കും കൗമാരക്കാർക്കും കൊവാക്സിൻ സുരക്ഷിതമെന്ന് ഭാരത് ബയോടെക്

2 മുതൽ 18 വയസുവരെ ഉള്ളവർക്ക്  കൊവാക്സിൻ സുരക്ഷിതമെന്ന് ഭാരത് ബയോടെക് അറിയിച്ചു. ഘട്ടം II/III പഠനത്തിൽ വാക്‌സിൻ സുരക്ഷിതവും പ്രതിരോധശേഷി വർധിപ്പിക്കുന്നതാണെന്നും കണ്ടെത്തിയിട്ടുണ്ട്. 

 

വാക്‌സിന്റെ സുരക്ഷ, റിയാക്ടോജെനിസിറ്റി, ഇമ്മ്യൂണോജെനിസിറ്റി എന്നിവ വിലയിരുത്തുന്നതിനായി റാറ്റ് ബയോടെക് രണ്ടാം ഘട്ടത്തിലും മൂന്നാം ഘട്ടത്തിലും ഒരു ഓപ്പൺ ലേബലും മൾട്ടി-സെന്റർ പഠനവും നടത്തിയിരുന്നു. ഡാറ്റ 2021 ഒക്ടോബറിൽ സെൻട്രൽ ഡ്രഗ്‌സ് സ്റ്റാൻഡേർഡ് കൺട്രോൾ ഓർഗനൈസേഷനിൽ (സിഡിഎസ്‌സിഒ) സമർപ്പിച്ചു. 6-18 വയസ് പ്രായമുള്ള കുട്ടികളിൽ അടിയന്തര ഉപയോഗത്തിനുള്ള അനുമതിയും ലഭിച്ചു.

 

കുട്ടികൾക്കുള്ള വാക്സിനുകളുടെ സുരക്ഷ നിർണായകമാണെന്ന് ഭാരത് ബയോടെക് ചെയർമാനും മാനേജിംഗ് ഡയറക്ടറുമായ ഡോ. കൃഷ്ണ പറഞ്ഞു. പഠനത്തിൽ ഗുരുതരമായ പ്രതികൂല സംഭവങ്ങളൊന്നും റിപ്പോർട്ട് ചെയ്തിട്ടില്ലെന്ന് ഭാരത് ബയോടെക് കൂട്ടിച്ചേർത്തു. 50 ദശലക്ഷത്തിലധികം ഡോസിന്റെ ശേഖരം ആവശ്യാനുസരണം വിതരണം ചെയ്യാൻ തയ്യാറാണെന്ന് കമ്പനി അവകാശപ്പെട്ടു.