കോൺജുറിം​ഗ് സിനിമയ്ക്ക് ആധാരമായ യു.എസ് ലെ വീട് വിറ്റു

By: 600002 On: Jun 8, 2022, 4:43 AM

2013 ൽ പുറത്തിറങ്ങിയ ഹൊറർ ചിത്രമായ കോൺജുറിം​ഗിന് ആധാരമായ  വീട് വിറ്റതായി ഉടമസ്ഥർ. 11.72 കോടി രൂപയ്ക്കാണ്(1.5 മില്യൺ യു.എസ് ഡോളർ ) ഈ വീട് വിറ്റത്.  
 
അമേരിക്കയിലെ റോഡ് ഐലൻഡിൽ നിന്ന് 40 മിനിറ്റ് അകലെയായി 1736 ലാണ് ഒറ്റപ്പെട്ട് കിടക്കുന്ന 8.5 ഏക്കറിൽ ഈ വീട് നിർമിക്കുന്നത്. വീട്ടിൽ നിരവധി അസ്വാഭാവിക സംഭവങ്ങൾ അരങ്ങേറിയതായാണ് മുൻ ഉടമകൾ വ്യക്തമാക്കുന്നത്. 19-ാം നൂറ്റാണ്ടിൽ ഈ വീട്ടിൽ താമസിച്ചിരുന്ന ബാത്ഷേബ ഷർമന്റെ ആത്മാവാണ് പ്രശ്നങ്ങൾ സൃഷ്ടിക്കുന്നതെന്നാണ് പ്രചരിക്കുന്ന കഥ. ഈ കഥയായാണ്  കോൺജുറിം​ഗ് സിനിമയ്ക്ക് പ്രമേയമായത്.
 
പ്രേത വീട് എന്നാണ് പേരെങ്കിലും നിരവധി പേരാണ് വീടി വാങ്ങാൻ സന്നധത അറിയിച്ച് രം​ഗത്ത് വന്നത്. പാരാനോർമൽ ഇൻവെസ്റ്റി​ഗേറ്റേഴ്സായ ജെൻ-കോറി ഹെയ്ൻസൻ ദമ്പതികളിൽ നിന്ന് 58 കാരിയായ ജാകുലിൻ നുനെസാണ് വീട് വാങ്ങിയിരിക്കുന്നത്.  തങ്ങൾ താമസിച്ചിരുന്നപ്പോൾ പേടിപ്പെടുത്തുന്ന പല സംഭവങ്ങളും വീട്ടിൽ അരങ്ങേറിയിരുന്നതായി ജെനും കോറിയും പറയുന്നു.