'4 ഡേ വർക്ക് വീക്ക്‌'  ആരംഭിച്ച് യു. കെ

ലോകത്തിലെ ഏറ്റവും വലിയ നാല്ദിന പ്രവൃത്തി ആഴ്ച പൈലറ്റ് പ്രോഗ്രാം  യു. കെയിൽ ആരംഭിച്ചു. ആറ് മാസം നീണ്ടുനിൽക്കുന്ന പൈലറ്റ് പ്രോജെക്ടിൽ ഫിനാൻഷ്യൽ സർവീസുകൾ മുതൽ  ഫിഷ് ആൻഡ് ചിപ്പ് റെസ്റ്റോറന്റിലേക്കുള്ള സേവനങ്ങൾന്റ് വരെയുള്ള 70-തിലധികം കമ്പനികളിലായുള്ള 3,300 തൊഴിലാളികളാണ് പൂർണ്ണമായ വേതനത്തോടുകൂടി തിങ്കളാഴ്ച മുതൽ നാല് ദിവസ വർക്ക് വീക്ക്  ആരംഭിച്ചിരിക്കുന്നത്. 

4 ഡേ വർക്ക് വീക്ക്‌ പ്രോഗ്രാമിൽ, 100% പ്രൊഡക്ടിവിറ്റി നൽകുന്നതിലൂടെ തൊഴിലാളികൾക്ക് അവരുടെ സാധാരണ ആഴ്ചയുടെ 80% മാത്രം ജോലി ചെയ്യുന്നതിന് 100% ശമ്പളവും ലഭിക്കും. കേംബ്രിഡ്ജ് യൂണിവേഴ്സിറ്റി, ഓക്സ്ഫോർഡ് യൂണിവേഴ്സിറ്റി, ബോസ്റ്റൺ കോളേജ് എന്നിവിടങ്ങളിൽ നിന്നുള്ള ഗവേഷകരുമായി സഹകരിച്ച് നോൺ പ്രോഫിറ്റ് സംരംഭങ്ങളായ 4 ഡേ വീക്ക് ഗ്ലോബൽ, ഓട്ടോണമി, എ തിങ്ക് താങ്ക്, 4 ഡേ വീക്ക് U.K കാമ്പെയ്ൻ എന്നിവർ ചേർന്നാണ് പ്രോഗ്രാം നടത്തുന്നത്.  ജീവനക്കാരുടെ മാനസികാരോഗ്യവും ക്ഷേമവും മെച്ചപ്പെടുത്തുക എന്നതാണ് പരിപാടിയുടെ ലക്ഷ്യം.

പ്രവൃത്തി ദിനങ്ങൾ ചുരുക്കാനുള്ള ആഹ്വാനങ്ങൾ സമീപ വർഷങ്ങളിൽ പല രാജ്യങ്ങളിലും ഉയർന്നുവന്നിട്ടുണ്ട്.  ഈ വർഷം അവസാനം സ്‌പെയിനിലും സ്കോട്ട്‌ലൻഡിലും സർക്കാർ പിന്തുണയുള്ള പരീക്ഷണങ്ങൾ നടക്കാൻ പോകുന്നതായി റിപ്പോർട്ട്‌ ഉണ്ട്. ഉൽപ്പാദനക്ഷമത, ലിംഗസമത്വം, പരിസ്ഥിതി, തൊഴിലാളികളുടെ ക്ഷേമം എന്നിവയിൽ  എത്രത്തോളം മാറ്റം വരുത്താൻ  4 ഡേ വീക്ക് പ്രോഗ്രാമിന് കഴിമെന്നതിനെപ്പറ്റിയും ഗവേഷകർ പഠനം നടത്തുന്നുണ്ട്.