കാനഡയിൽ വീടുകളുടെ വില അടുത്ത വർഷം കുറയാൻ സാധ്യതയുള്ളതായി റിപ്പോർട്ടുകൾ 

കാനഡയിൽ വർദ്ധിച്ചുവരുന്ന പലിശനിരക്കുകൾ മൂലം അടുത്ത വർഷം കനേഡിയൻ റിയൽ എസ്റ്റേറ്റിൽ "മിതമായ വില തിരുത്തലിന്" കാരണമാകുമെന്ന് റിപ്പോട്ടുകൾ.  ബി.സിയിലും ഒന്റാരിയോയിലും ആണ് ഏറ്റവും വലിയ ഇടിവിന് സാധ്യതയുള്ളതായി റോയൽ ബാങ്ക് ഓഫ് കാനഡയുടെ റിപ്പോർട്ടുകൾ സൂചിപ്പിക്കുന്നത്. 

2023-ൽ മൊത്തം ബെഞ്ച്മാർക്ക് വില രാജ്യവ്യാപകമായി 2.2 ശതമാനം കുറഞ്ഞ് 776,900 ഡോളറാവുമെന്നാണ് റിപ്പോർട്ടിൽ പറയുന്നു.  വാൻകൂവർ, ടൊറന്റോ പോലുള്ള വിലയേറിയ മാർക്കറ്റുകളിലാണ് വില ഏറ്റവും കൂടുതൽ കുറയാൻ സാധ്യതയുള്ളതായി വിലയിരുത്തപ്പെടുന്നത്. ഈ വർഷം സ്പ്രിങ്ങിൽ വീടുകളുടെ വില ഉയർന്ന് തന്നെയിരിക്കുമെങ്കിലും വർഷാവസാനത്തോടെ വീടുകളുടെ വിലയിൽ മാറ്റം കണ്ടു തുടങ്ങുമെന്ന് റിപ്പോർട്ടിൽ പറയുന്നു.  

റോയൽ ബാങ്ക് ഓഫ് കാനഡയുടെ റിപ്പോർട്ടുകൾ പ്രകാരം ബ്രിട്ടീഷ് കൊളംബിയയിൽ വീടുകളുടെ വില 2023-ൽ 3.8 ശതമാനവും ഒന്റാരിയോയിൽ 2.3 ശതമാനവും കുറയുമെന്നാണ് പ്രതീക്ഷിക്കുന്നത്.