മള്‍ട്ടിലെവല്‍ മാര്‍ക്കറ്റിംഗിന്റെ പേരില്‍ തട്ടിപ്പ്: ആംവേ ഇന്ത്യയുടെ 757.77 കോടി രൂപ കണ്ടുകെട്ടി
By: 600002 On: Apr 18, 2022, 11:40 AM
മള്‍ട്ടിലെവല്‍ മാര്‍ക്കറ്റിംഗ് സ്ഥാപനമായ ആംവെ ഇന്ത്യ കള്ളപ്പണം വെളുപ്പിച്ചെന്ന കേസില്‍ എന്‍ഫോഴ്‌സ്‌മെന്റ് ഡയറക്ടറേറ്റിന്റെ കര്‍ശന നടപടി. കമ്പനിയുടെ 757.77 കോടി രൂപയുടെ ആസ്തികള്‍ ഇഡി കണ്ടുകെട്ടി. മള്‍ട്ടിലെവല്‍ മാര്‍ക്കറ്റിംഗ് ശൃംഖലയുടെ പേരില്‍ തട്ടിപ്പ് നടത്തിയെന്നാണ് കേസ്.
പൊതുവിപണിയില്‍ ലഭ്യമായ ഇതര ജനപ്രിയ ഉല്‍പ്പന്നങ്ങളുമായി താരതമ്യം ചെയ്യുമ്പോള്‍ ആംവേയുടെ ഉല്‍പ്പന്നങ്ങള്‍ക്ക് അമിതവിലയാണ് ഈടാക്കുന്നതെന്നും വസ്തുതകള്‍ അറിയാത്ത സാധാരണക്കാരെ പറ്റിച്ച് കമ്പനിയില്‍ അംഗങ്ങളായി ചേര്‍ത്ത് അമിത വിലയ്ക്ക് ഉല്‍പ്പന്നങ്ങള്‍ വാങ്ങാന്‍ നിര്‍ബന്ധിക്കുന്നുവെന്നും ഇഡി ആരോപിച്ചു.
തമിഴ്‌നാട്ടിലെ ഡിണ്ടിഗലിലുള്ള ആംവേയുടെ ഭൂമിയും ഫാക്ടറിയും പ്ലാന്റും യന്ത്ര സാമഗ്രികളും വാഹനങ്ങളും കണ്ടുകെട്ടിയവയില്‍ ഉള്‍പ്പെടുന്നു. ബാങ്ക് അക്കൗണ്ടുകളും സ്ഥിര നിക്ഷേപങ്ങളും പിടിച്ചെടുത്തവയിലുണ്ട്.