ഡാളസില് ത്രിദിന ഉപവാസ പ്രാര്ത്ഥനാ ധ്യാനം 'തപസ്' ഒക്ടോബര് 2 മുതല്
By: 600002 On: Sep 24, 2026, 8:51 AM
പി പി ചെറിയാന്
ഡാളസ്: ഡാളസ് മലയാളി കത്തോലിക്കാ സമൂഹത്തിന്റെ ആത്മീയ നവീകരണം ലക്ഷ്യമാക്കി നടത്തുന്ന 3 ദിവസത്തെ ശക്തമായ ഉപവാസ പ്രാര്ത്ഥനാ ധ്യാനം 'തപസ്' (TAPAS Residential Retreat, Dallas) ഒക്ടോബറില് നടക്കും. 2026 ഒക്ടോബര് 02 മുതല് 04 വരെ (വെള്ളി മുതല് ഞായര് വരെ) ടെക്സസിലെ വിന്സ്ബോറോയിലുള്ള പ്രശസ്തമായ ഗ്രേസ് ഓഫ് ഹെവന് റിട്രീറ്റ് സെന്ററിലാണ് (Grace of Heaven Retreat Center, Winnsboro, Texas) ധ്യാനം ക്രമീകരിച്ചിരിക്കുന്നത്.
പ്രശസ്ത ധ്യാനഗുരുവും പ്രഭാഷകനുമായ റവ. ഫാ. ജോസഫ് കണ്ടത്തിപ്പറമ്പില് HGN (Rev. Fr. Joseph Kandathiparambil), മറ്റ് പ്രമുഖ ആത്മീയ പ്രഭാഷകര് എന്നിവരടങ്ങുന്ന ടീമാണ് ഈ 3-ദിന റസിഡന്ഷ്യല് ധ്യാനത്തിന് നേതൃത്വം നല്കുന്നത്.
വിശ്വാസം ആഴപ്പെടുത്തുക, ആത്മീയ നവീകരണം അനുഭവിക്കുക, ദൈവത്തിന്റെ സമാധാനവും സാന്നിധ്യവും ദര്ശിക്കുക, പരസ്പര പ്രചോദനമേകുന്ന കൂട്ടായ്മ വളര്ത്തുക എന്നിവയാണ് ഈ ഒത്തുചേരലിന്റെ പ്രധാന ലക്ഷ്യങ്ങള്. 'ഉപവസിക്കുക, പ്രാര്ത്ഥിക്കുക, സമര്പ്പിക്കുക, രൂപാന്തരപ്പെടുക' (Fast. Pray. Surrender. Be Transformed) എന്നതാണ് ഈ വര്ഷത്തെ ധ്യാനത്തിന്റെ ആപ്തവാക്യം.
ധ്യാനത്തില് പങ്കെടുക്കാന് താല്പര്യമുള്ളവര്ക്കായി രജിസ്ട്രേഷന് ആരംഭിച്ചിട്ടുണ്ട്. കൂടുതല് വിവരങ്ങള്ക്കും മുന്കൂട്ടി സീറ്റുകള് ബുക്ക് ചെയ്യുന്നതിനുമായി താഴെ പറയുന്ന നമ്പറുകളില് ബന്ധപ്പെടാവുന്നതാണ്:
ഹണി ജിജോ: 857-316-8479
ബാബു തോമസ്: 972-333-9718.