സ്വര്ഗീയ നാദം വോളിയം 49: കീര്ത്തനം' ലൈവ് സ്ട്രീമിംഗ് മ്യൂസിക് പ്രോഗ്രാം സെപ്റ്റംബര് 25ന്
By: 600002 On: Sep 24, 2026, 8:30 AM
അറ്റ്ലാന്റ : ഇവിഞ്ചലിസ്റ്റ് എം.ഇ. ചെറിയാന്റെ സ്മരണയ്ക്കായി 'സ്വര്ഗീയ നാദം വോളിയം 49- അനുഗ്രഹ കീര്ത്തനം' എന്ന ലൈവ് സ്ട്രീമിംഗ് മ്യൂസിക് പരിപാടി സെപ്റ്റംബര് 25-ന് നടക്കും. ക്രിസ്തീയ സംഗീത ലോകവും വിശ്വാസികളും ഏറെ പ്രതീക്ഷയോടെ കാത്തിരിക്കുന്ന ഈ സംഗീത സന്ധ്യ സൂം പ്ലാറ്റ്ഫോം വഴിയാണ് ക്രമീകരിച്ചിരിക്കുന്നത്.
പരിപാടിയുടെ പ്രധാന ആകര്ഷണം ഇവിഞ്ചലിസ്റ്റ് എം.ഇ. ചെറിയാന്റെ മകനും, മള്ട്ടി-ഇന്സ്ട്രുമെന്റലിസ്റ്റും ഗാനരചയിതാവും, 'ഹാപ്പി മെലഡി' ഗ്രൂപ്പിന്റെ ദീര്ഘകാല നേതാവുമായ ഇവിഞ്ചലിസ്റ്റ് ടൈറ്റസ് ചെറിയാന് നയിക്കുന്ന 'ഫേസ് ടു ഫേസ്' ആണ്.
1917-ല് ജനിച്ച് 1993-ല് അന്തരിച്ച ഇവിഞ്ചലിസ്റ്റ് എം.ഇ. ചെറിയാന് 'ലിറ്റില് മാന് വിത്ത് ഗ്രേറ്റ് ഫെയ്ത്, ലവ്, ആന്ഡ് ഹോപ്പ്' എന്നാണ് അറിയപ്പെടുന്നത്. സ്വാധീനശക്തിയുള്ള ബൈബിള് അധ്യാപകനും കവിയുമായിരുന്ന അദ്ദേഹം തന്റെ 26-ാം വയസ്സില് സ്കൂള് അധ്യാപക ജോലി ഉപേക്ഷിച്ച്, കേരളത്തില് നിന്ന് തമിഴ്നാട്ടിലെ മധുരയിലേക്ക് താമസം മാറി മുഴുവന് സമയ ക്രിസ്തീയ ശുശ്രൂഷ ആരംഭിക്കുകയായിരുന്നു.
മധുര ബൈബിള് സ്കൂള്, ബാല സംഘം യൂത്ത് മിനിസ്ട്രി, 'സുവിശേഷകന്' മാസിക, യങ് മെന്സ് ഇവാഞ്ചലിക്കല് ഫെലോഷിപ്പ് (YMEF), 'ഹാപ്പി മെലഡി' (Gospel Thru' Music) തുടങ്ങിയ പ്രസ്ഥാനങ്ങള്ക്ക് അദ്ദേഹം രൂപം നല്കി. മലയാളത്തിലും തമിഴിലുമായി 300-ലധികം ഭക്തിഗാനങ്ങള് അദ്ദേഹം രചിച്ചിട്ടുണ്ട്.'അനുഗ്രഹാനധിപതിയെ', 'കൃപയേറും കര്ത്താെേവന്', 'പ്രതിഭലനം തന്നേടുവാന്', അരില്ഉം ഉന്നതനാമം' എന്നിവ അദ്ദേഹത്തിന്റെ എക്കാലത്തെയും പ്രശസ്തമായ രചനകളാണ്.
സാഹിത്യ സംഭാവനകള്ക്ക് അഭിമാനകരമായ മഹാകവി കെ.വി. സൈമണ് അവാര്ഡും അദ്ദേഹത്തെ തേടിയെത്തിയിട്ടുണ്ട്.
പരിപാടിയുടെ സമയക്രമം
EST (വെള്ളി): രാത്രി 08:15 PM,ഇന്ത്യ (ശനി): രാവിലെ 05:45 AM
സൂം വിവരങ്ങള്:സൂം ഐഡി: 769 374 4841,പാസ്വേഡ്: music
ഈ അനുഗ്രഹീത സംഗീത സന്ധ്യയിലേക്ക് നല്കിയിരിക്കുന്ന സൂം ഐഡിയും പാസ്വേഡും ഉപയോഗിച്ച് ഏവരെയും സ്നേഹപൂര്വ്വം സ്വാഗതം ചെയ്യുന്നതായി കോര്ഡിനേറ്റര് സണ്ണി അറിയിച്ചു.