ഗ്രാന്ഡ് കാന്യനില് മിന്നല്പ്രളയം; 2 മരണം, നിരവധി പേരെ കണ്ടെത്താനായില്ല; 62 പേരെ ഹെലികോപ്റ്ററില് രക്ഷപ്പെടുത്തി
By: 600002 On: Sep 1, 2026, 8:33 AM
പ്രസാദ് തീയാടിക്കല്
അരിസോണ: അമേരിക്കയിലെ ലോകപ്രശസ്ത വിനോദസഞ്ചാര കേന്ദ്രമായ ഗ്രാന്ഡ് കാന്യന് നാഷണല് പാര്ക്കില് ഉണ്ടായ ശക്തമായ മിന്നല്പ്രളയത്തില് രണ്ടുപേര് മരിച്ചു. നിരവധി പേരെ ഇനിയും കണ്ടെത്താനായിട്ടില്ല. ദുരന്തമേഖലയില് കുടുങ്ങിയ 62 പേരെ ഹെലികോപ്റ്ററുകളുടെ സഹായത്തോടെ സുരക്ഷിതമായി ഒഴിപ്പിച്ചു.
ഓഗസ്റ്റ് 29 ശനിയാഴ്ച ഉച്ചയ്ക്ക് ഏകദേശം 2:30-ഓടെയാണ് Bright Angel Canyon, Phantom Ranch മേഖലകളില് ശക്തമായ മഴയെ തുടര്ന്ന് മിന്നല്പ്രളയം ഉണ്ടായത്. Bright Angel Creekലൂടെ വെള്ളവും ചെളിയും വലിയ പാറകളും അവശിഷ്ടങ്ങളും അതിവേഗം ഒഴുകിയെത്തിയതോടെ പ്രദേശത്ത് വന് നാശനഷ്ടമുണ്ടായി.
National Park Service ആദ്യം ഏകദേശം 15 പേരെ കാണാതായിരിക്കുകയോ ബന്ധപ്പെടാന് കഴിയാതിരിക്കുകയോ ചെയ്യുന്നതായി അറിയിച്ചിരുന്നു. പിന്നീട് പുറത്തുവന്ന ഞലൗലേൃ െറിപ്പോര്ട്ടില് 20-ലധികം ആളുകളുടെ സ്ഥിതി സംബന്ധിച്ച് വിവരങ്ങള് തേടിയിരുന്നതായി പറയുന്നു. അതിനാല് കാണാതായവരുടെ കൃത്യമായ എണ്ണം ഇനിയും സ്ഥിരീകരിച്ചിട്ടില്ല. തിരച്ചിലും വീണ്ടെടുക്കല് പ്രവര്ത്തനങ്ങളും തുടരുകയാണ്.
ദുരന്തത്തില് മരിച്ചവരില് ഒരാള് 46 വയസ്സുള്ള പുരുഷനാണ്. അദ്ദേഹത്തിന്റെ മൃതദേഹം കൊളറാഡോ നദിയിലെ Crystal Rapids പ്രദേശത്തിന് സമീപം കണ്ടെത്തി. രണ്ടാമത്തെ മൃതദേഹവും പിന്നീട് കണ്ടെത്തിയതായി അധികൃതര് സ്ഥിരീകരിച്ചു. കൂടുതല് വിവരങ്ങള് പുറത്തുവിട്ടിട്ടില്ല.
പ്രളയത്തിന്റെ ശക്തിയില് Bright Angel Creekന് കുറുകെയുള്ള മിക്ക കാല്നടപ്പാലങ്ങളും തകര്ന്നു. ട്രെയിലുകള്ക്കും മറ്റ് അടിസ്ഥാന സൗകര്യങ്ങള്ക്കും വ്യാപകമായ നാശനഷ്ടമുണ്ടായി. കൊളറാഡോ നദിയിലേക്ക് ലോഹാവശിഷ്ടങ്ങളും മറ്റു മാലിന്യങ്ങളും ഒഴുകിയെത്തിയതിനെ തുടര്ന്ന് നദിയിലെ ഗതാഗതത്തിനും നിയന്ത്രണം ഏര്പ്പെടുത്തി.
Grand Canyonന്റെ നിര്ണായക ജലവിതരണ സംവിധാനമായ Transcanyon Waterlineനും ഗുരുതര നാശമുണ്ടായി. ഏകദേശം 40 ശതമാനം പൈപ്പ് ലൈന് തകര്ന്നതായാണ് റിപ്പോര്ട്ട്. ഇതോടെ South Rim മേഖലയില് കടുത്ത ജലനിയന്ത്രണങ്ങള് ഏര്പ്പെടുത്തിയിട്ടുണ്ട്. ഓഗസ്റ്റ് 31 മുതല് പാര്ക്കിനുള്ളിലെ overnight hotel accommodations-ഉം നിര്ത്തിവച്ചു.
Phantom Ranch, Bright Angel Campground, North Kaibab Trail ഉള്പ്പെടെയുള്ള ദുരന്തബാധിത മേഖലകളില് നിയന്ത്രണങ്ങളും അടച്ചിടലുകളും തുടരുകയാണ്.
കനത്ത മഴയും ഇടിമിന്നലും വീണ്ടും മിന്നല്പ്രളയത്തിനും റലയൃശ െളഹീംകള്ക്കും പാറവീഴ്ചയ്ക്കും കാരണമാകാമെന്ന് അധികൃതര് മുന്നറിയിപ്പ് നല്കിയിട്ടുണ്ട്.
ലോകത്തിലെ ഏറ്റവും പ്രശസ്തമായ പ്രകൃതിദത്ത വിസ്മയങ്ങളിലൊന്നായ ഗ്രാന്ഡ് കാന്യനില് ഉണ്ടായ ദുരന്തത്തെ തുടര്ന്ന് കാണാതായവരെ കണ്ടെത്താനുള്ള തിരച്ചില് തുടരുകയാണ്.