ഒരു മാസത്തിനിടെ ആദ്യമായി ഇറാനില് അമേരിക്കയുടെ വ്യോമാക്രമണം
By: 600002 On: Aug 31, 2026, 9:58 AM
പി പി ചെറിയാന്
വാഷിംഗ്ടണ് ഡിസി: ഹോര്മുസ് കടലിടുക്കില് സമുദ്രമൈനുകള് സ്ഥാപിക്കുന്നത് തടയാന് ലക്ഷ്യമിട്ട് ലാരക് ദ്വീപിലെ ഇറാനിയന് റോക്കറ്റ് ലോഞ്ചറുകള്ക്ക് നേരെയാണ് ഞായറാഴ്ച യു.എസ് ആക്രമണം നടത്തിയത്. ഇതിന് മറുപടിയായി ജോര്ദാനിലെ യു.എസ് വ്യോമതാവളങ്ങള്ക്ക് നേരെ ഇറാന് റെവല്യൂഷണറി ഗാര്ഡ് മിസൈലാക്രമണം നടത്തി. ഇത് അടിസ്ഥാന സൗകര്യങ്ങള്ക്കും സൈനിക കേന്ദ്രങ്ങള്ക്കും കനത്ത നാശനഷ്ടം വരുത്തിവെച്ചു.
ആക്രമണത്തെ തുടര്ന്ന് ആഗോള വിപണിയില് എണ്ണവില വര്ധിച്ചു. ബ്രെന്റ് ക്രൂഡ് വില ബാരലിന് 90 ഡോളറിന് മുകളിലേക്ക് ഉയര്ന്നു. യു.എസ്-ഇറാന് സംഘര്ഷം ആറുമാസം പിന്നിടുമ്പോള് സമാധാനത്തിനായുള്ള നയതന്ത്ര ശ്രമങ്ങളെല്ലാം നിലവില് സ്തംഭനാവസ്ഥയിലാണ്.