ലോക ബോക്സിങ് ചാമ്പ്യനായിരുന്ന സോളാനി ടെതെ വെടിയേറ്റു മരിച്ചു
By: 600002 On: Aug 24, 2026, 2:26 PMപി പി ചെറിയാന്
ദക്ഷിണാഫ്രിക്ക: രണ്ടുതവണ ലോക ബോക്സിങ് ചാമ്പ്യനായിരുന്ന സോളാനി ടെതെ (38) ദക്ഷിണാഫ്രിക്കയിലെ എംദാത്സെയ്നില് തന്റെ വീടിന് പുറത്തുവെച്ച് വെടിയേറ്റു മരിച്ചു.
വെള്ളിയാഴ്ച രാത്രി 6:30-ഓടെ കാറില് വീട്ടിലെത്തി ഗേറ്റ് തുറക്കാന് കാത്തുനില്ക്കവെ, മുഖംമൂടി ധരിച്ചെത്തിയ രണ്ട് അജ്ഞാതര് ഇദ്ദേഹത്തിന് നേരെ വെടിയുതിര്ക്കുകയായിരുന്നു.
വെടിയേറ്റ ഉടന് കാര് മുറ്റത്തേക്ക് ഇടിച്ചുകയറ്റാന് ശ്രമിച്ചെങ്കിലും ടെതെ സംഭവസ്ഥലത്തുതന്നെ മരണപ്പെട്ടു. കൂടെയുണ്ടായിരുന്ന 27 കാരിയായ യുവതിക്ക് പരിക്കേറ്റു ചികിത്സയിലാണ്.
മുന് ഐ.ബി.എഫ് (IBF), ഡബ്ല്യു.ബി.ഒ (WBO) ചാമ്പ്യനാണ്. 2017-ല് വെറും 11 സെക്കന്ഡില് എതിരാളിയെ നോക്കൗട്ട് ചെയ്ത് ലോകകപ്പ് മത്സരത്തിലെ ഏറ്റവും വേഗതയേറിയ നോക്കൗട്ട് റെക്കോര്ഡ് അദ്ദേഹം സ്വന്തമാക്കിയിട്ടുണ്ട്. പ്രതികള്ക്കായുള്ള തിരച്ചില് പോലീസ് ഊര്ജിതമാക്കി.