മുല്ലപ്പെരിയാർ ഡാം : പൃഥ്വിരാജിന്റെ കോലം കത്തിച്ച് തമിഴ്‌നാട്ടിൽ പ്രതിഷേധം.

മുല്ലപ്പെരിയാർ ഡാം ഡീക്കമ്മീഷനിങ് ചെയ്യണമെന്നാവശ്യപ്പെട്ടുകൊണ്ടുള്ള പൃഥ്വിരാജിന്റെ പോസ്റ്റിനെതിരെ തമിഴ്‌നാട്ടിൽ വൻ പ്രതിഷേധം. താരത്തിനെ കോലം കത്തിച്ചുകൊണ്ടാണ് പ്രതിഷേധം ഉയർന്നത്. തേനി ജില്ലാ കലക്​ടറേറ്റിന്​ മുന്നിൽ അഖിലേന്ത്യാ ഫോർവേഡ്​ ബ്ലോക്ക്​ പ്രവർത്തകരാണ് പ്രതിഷേധിച്ചത്.

125 വർഷം പഴക്കമുള്ള മുല്ലപ്പെരിയാർ ഡാം ദുർബലമാണെന്നും പൊളിച്ചു പണിയണമെന്നുമാണ് പൃഥ്വിരാജ് അഭിപ്രായപ്പെട്ടത്. ഇതിൽ രാഷ്ട്രീയമില്ല, ശരിയായ തീരുമാനം എടുക്കേണ്ട സമയമാണെന്നുമാണ് പൃഥ്വിരാജ് കുറിച്ചത്.

എന്നാൽ ഇത് തെറ്റിദ്ധാരണാപരമായ പ്രസ്താവനയായെന്നും, പൃഥ്വിരാജിനെതിരെ ദേശസുരക്ഷാ നിയപ്രകാരം കേസെടുക്കണമെന്നും അഖിലേന്ത്യാ ഫോർവേഡ്​ ബ്ലോക്ക് ജില്ലാ സെക്രട്ടറി എസ്​.ആർ. ചക്രവർത്തി ആവശ്യപ്പെട്ടു.