പ്ലാനോയില്‍ വാഹനാപകടത്തില്‍ മധ്യവയസ്‌കയ്ക്ക് ദാരുണാന്ത്യം 

 

 

പ്രസാദ് തീയാടിക്കല്‍

പ്ലാനോ, ടെക്‌സാസ്: പ്ലാനോയില്‍ വെള്ളിയാഴ്ച (ജൂലൈ 24) ഉച്ചയ്ക്ക് ഉണ്ടായ ഗുരുതര വാഹനാപകടത്തില്‍ ബേബിക്കുട്ടി ജോസഫ്(66) മരണപ്പെട്ടു. പ്ലാനോയിലെ West Parker Road-Mission Ridge Road ജംഗ്ഷനില്‍ ഉച്ചയ്ക്ക് 2:40ഓടെ ഉണ്ടായ അപകടത്തിലാണ് ദാരുണാന്ത്യം സംഭവിച്ചത്.

പ്ലാനോ പൊലീസ് നല്‍കിയ വിവരമനുസരിച്ച്, Nissan Frontier വാഹനം West Parker Road വഴി പടിഞ്ഞാറോട്ട് സഞ്ചരിക്കവെ Mission Ridge Road-ലേക്ക് തെക്കോട്ട് തിരിയാന്‍ ശ്രമിക്കുന്നതിനിടെ കിഴക്കോട്ട് വന്നിരുന്ന കിളശിശശേ QX56/QX50 എസ്യുവിയുമായി കൂട്ടിയിടിക്കുകയായിരുന്നു. ഇടിയുടെ ആഘാതത്തില്‍ Infiniti നിയന്ത്രണം വിട്ട് സമീപത്തെ ലൈറ്റ് പോളില്‍ ഇടിച്ചുകയറി.

Infiniti വാഹനത്തിലുണ്ടായിരുന്ന ബേബിക്കുട്ടി ജോസഫിനെ സംഭവസ്ഥലത്ത് തന്നെ Plano Fire-Rescue ഉദ്യോഗസ്ഥര്‍ മരിച്ചതായി സ്ഥിരീകരിച്ചു. വാഹനമോടിച്ചിരുന്ന വ്യക്തിയെ ഗുരുതര പരിക്കുകളോടെ ആശുപത്രിയിലേക്ക് മാറ്റി. Nissan വാഹനത്തിലെ യാത്രക്കാരനെ സംഭവസ്ഥലത്ത് പരിശോധിച്ചെങ്കിലും ആശുപത്രിയില്‍ പ്രവേശിപ്പിക്കേണ്ടിവന്നില്ല.

മരിച്ചയാളുടെ കുടുംബാംഗങ്ങളെ ഔദ്യോഗികമായി അറിയിച്ചതിന് ശേഷമാണ് തിരിച്ചറിയല്‍ വിവരങ്ങള്‍ പുറത്തുവിട്ടത്. അപകടത്തിന്റെ കൂടുതല്‍ കാരണങ്ങള്‍ കണ്ടെത്തുന്നതിനായി Plano Police Traffic Unit അന്വേഷണം തുടരുകയാണ്.

പൊതുദര്‍ശനത്തിന്റെയും സംസ്‌കാര ശുശ്രൂഷകളുടെയും വിവരങ്ങള്‍ ഔദ്യോഗിക നടപടിക്രമങ്ങള്‍ പൂര്‍ത്തിയായ ശേഷം അറിയിക്കുമെന്ന് ബന്ധുക്കള്‍ അറിയിച്ചു.