ന്യൂയോര്ക്ക് സിറ്റി കൗണ്സില് അംഗീകരിച്ച ശമ്പളവര്ധനവ് നിരസിച്ച് മേയര് മംദാനി
By: 600002 On: Jul 21, 2026, 11:42 AM
പി പി ചെറിയാന്
ന്യൂയോര്ക്ക്: ന്യൂയോര്ക്ക് സിറ്റി കൗണ്സില് അടുത്തിടെ അംഗീകരിച്ച ശമ്പളവര്ധനവ് താന് സ്വീകരിക്കില്ലെന്ന് മേയര് സൊഹ്റാന് മംദാനി വ്യക്തമാക്കി. മേയറുടെ ശമ്പളം കൂട്ടുന്നത് ന്യൂയോര്ക്കുകാരുടെ മുന്ഗണനയല്ലെന്ന് അദ്ദേഹം പറഞ്ഞു.
'മേയര്ക്ക് വരുമാനം കുറവാണെന്ന് ന്യൂയോര്ക്കില് ആരും പരാതിപ്പെട്ടിട്ടില്ല,' എന്ന് മംദാനി ചൂണ്ടിക്കാട്ടി. തനിക്കായി മാറ്റിവെച്ച ഈ തുക സാമ്പത്തികമായി ബുദ്ധിമുട്ടുന്ന നഗരവാസികളുടെ ക്ഷേമത്തിനായി ഉപയോഗിക്കണമെന്നാണ് തന്റെ ആഗ്രഹമെന്നും അദ്ദേഹം കൂട്ടിച്ചേര്ത്തു.
സിറ്റി കൗണ്സില് അംഗങ്ങള്ക്ക് 18% ശമ്പളവര്ധനവും മേയറുടെ പദവിക്ക് അനുയോജ്യമായ വര്ധനവും വ്യവസ്ഥ ചെയ്യുന്നതാണ് പുതിയ ബില്. നിയമമായാല്, 2016-ന് ശേഷമുള്ള സിറ്റി കൗണ്സില് അംഗങ്ങളുടെ ആദ്യ ശമ്പളവര്ധനവാകും ഇത്. എന്നിരുന്നാലും, തനിക്ക് ലഭിക്കുന്ന അധിക തുക നിരസിക്കുമെന്ന് മംദാനി വ്യക്തമാക്കി.