ഡാക്ക (DACA) അപേക്ഷകള് വൈകുന്നു: അമേരിക്കന് ഭരണകൂടത്തിനെതിരെ കേസ് നല്കി മനുഷ്യാവകാശ സംഘടനകള്
By: 600002 On: Jul 20, 2026, 9:46 AM
പി പി ചെറിയാന്
വാഷിംഗ്ടണ്: ചൈല്ഡ്ഹുഡ് അറൈവല്സ് പ്രോഗ്രാം (DACA) വഴിയുള്ള റീന്യൂവല് അപേക്ഷകള് തീര്പ്പാക്കുന്നതില് കടുത്ത കാലതാമസം നേരിടുന്നതിനെതിരെ യു.എസ് ഡിപ്പാര്ട്ട്മെന്റ് ഓഫ് ഹോംലാന്ഡ് സെക്യൂരിറ്റിക്കെതിരെ കുടിയേറ്റ അവകാശ സംഘടനകള് നിയമനടപടി സ്വീകരിച്ചു. നടപടിക്രമങ്ങളിലെ താമസം കാരണം പലരുടെയും വര്ക്ക് പെര്മിറ്റുകള് റദ്ദാകുകയും ജോലി നഷ്ടപ്പെടുകയും ചെയ്യുന്ന സാഹചര്യത്തിലാണ് നടപടി.
നിയമപരമായ ആനുകൂല്യങ്ങളൊന്നും ലഭിക്കുന്നില്ലെങ്കിലും, രാജ്യത്തെ ഡാക്ക ഉടമകള് പ്രതിവര്ഷം 28 ബില്യണ് ഡോളറിലധികം സമ്പാദിക്കുകയും സോഷ്യല് സെക്യൂരിറ്റി, മെഡികെയര് എന്നിവയിലേക്ക് 2 ബില്യണ് ഡോളറിലധികം നികുതിയായി നല്കുകയും ചെയ്യുന്നുണ്ട്.
അപേക്ഷകരുടെ പരിശോധന കൂടുതല് കര്ശനമാക്കുന്നതിനാണ് സമയമെടുക്കുന്നതെന്നാണ് ഔദ്യോഗിക വിശദീകരണം. എന്നാല്, ഇത് വന്തോതിലുള്ള നാടുകടത്തല് ലക്ഷ്യമിട്ടുള്ള നീക്കമാണെന്ന് സന്നദ്ധ സംഘടനകള് ആരോപിക്കുന്നു.
നിലവില് അമേരിക്കയില് അര ദശലക്ഷത്തോളം ഡാക്ക ഉടമകളുണ്ട്. തൊഴില് മേഖലയില് സജീവമായ ഇവരെ ഒഴിവാക്കുന്നത് അമേരിക്കന് സമ്പദ്വ്യവസ്ഥയെയും പൊതുജനങ്ങളെയും പ്രതികൂലമായി ബാധിക്കുമെന്ന് വിദഗ്ധര് മുന്നറിയിപ്പ് നല്കുന്നു.