Belly Button ല് ഒളിപ്പിച്ച നിലയില് മയക്കുമരുന്ന്; യുവാവിനെ പിടികൂടി യു.എസ് പോലീസ്
By: 600002 On: Jul 19, 2026, 7:41 PM
പി പി ചെറിയാന്
ഒക്ലഹോമ: ഒക്ലഹോമയില് നാടകീയവും ഒപ്പം വിചിത്രവുമായ രീതിയില് മയക്കുമരുന്ന് കടത്താന് ശ്രമിച്ച യുവാവ് പോലീസിന്റെ പിടിയിലായി. ഒക്ലഹോമ കൗണ്ടി ഷെരീഫ് ഓഫീസിലെ ഡെപ്യൂട്ടിമാരാണ് പ്രതിയെ അറസ്റ്റ് ചെയ്തത്. യുവാവിന്റെ ശരീരത്തില് മയക്കുമരുന്ന് ഒളിപ്പിച്ചിട്ടുണ്ടെന്ന സംശയത്തെ തുടര്ന്ന് പോലീസ് നടത്തിയ വിശദമായ പരിശോധനയിലാണ് കഞ്ചാവും മറ്റ് ലഹരിവസ്തുക്കളും ഒളിപ്പിക്കാന് യുവാവ് തിരഞ്ഞെടുത്ത വേറിട്ട വഴി കണ്ട് ഉദ്യോഗസ്ഥര് പോലും ഞെട്ടിയത്.
യുവാവിന്റെ ഷര്ട്ട് ഉയര്ത്തി പരിശോധിച്ച പോലീസിന്, അടിവയറ്റിലെ തൊപ്പിളിനുള്ളില് (Belly Button) അതീവ സുരക്ഷിതമായി ഒളിപ്പിച്ച നിലയില് ചെറിയൊരു പ്ലാസ്റ്റിക് കവര് കണ്ടെത്തുകയായിരുന്നു. പരിശോധനയില് ഇത് മാരക ലഹരിമരുന്നായ മെത്താംഫെറ്റാമൈന് (Methamphetamine) ആണെന്ന് സ്ഥിരീകരിച്ചു.
നേരത്തെയുള്ള ഒരു കേസിന്റെ അറസ്റ്റ് വാറന്റുമായി ബന്ധപ്പെട്ടാണ് പോലീസ് ഇയാളെ തിരഞ്ഞെത്തിയത്. തുടര്ന്ന് നടത്തിയ പരിശോധനയുടെയും അപ്രതീക്ഷിത കണ്ടെത്തലിന്റെയും ബോഡികാം (Bodycam) ദൃശ്യങ്ങള് ഒക്ലഹോമ കൗണ്ടി ഷെരീഫ് ഓഫീസ് പുറത്തുവിട്ടിട്ടുണ്ട്. നിലവില് വിവിധ വകുപ്പുകള് ചുമത്തി പ്രതിക്കെതിരെ കേസ് രജിസ്റ്റര് ചെയ്തതായി പോലീസ് അറിയിച്ചു.