രാജ്യത്തെ ആദ്യ ഹൈഡ്രജന് ട്രെയിന് പ്രധാനമന്ത്രി ഫ്ളാഗ് ഓഫ് ചെയ്തു
By: 600002 On: Jul 17, 2026, 12:57 PM
ഇന്ത്യന് റെയില്വേ ചരിത്രത്തില് ഇന്ന് പുതിയ അധ്യായം. രാജ്യത്തെ ആദ്യ ഹൈഡ്രജന് ട്രെയിന് പ്രധാനമന്ത്രി നരേന്ദ്രമോദി ഫ്ളാഗ് ഓഫ് ചെയ്തു. ഹരിയാനയിലെ ജിന്ദ്- സോനിപ്പത്ത് റൂട്ടില് 'നമോ ഗ്രീന് റെയില്' എന്ന് പേരിട്ടിരിക്കുന്ന ട്രെയിന് ഓടി തുടങ്ങി.
ഹരിയാന ജിന്ദിലെ റെയില്വേ സ്റ്റേഷനില് വച്ചാണ് രാജ്യത്തിന്റെ ആദ്യ ഹൈഡ്രജന് ട്രെയിന് പ്രധാനമന്ത്രി നരേന്ദ്രമോദി ഫ്ളാഗ് ഓഫ് ചെയ്തത്. ചടങ്ങില് കേന്ദ്ര റെയില്വേ മന്ത്രി അശ്വിനി വൈഷ്ണവ് ഹരിയാന മുഖ്യമന്ത്രി നയാബ് സിംഗ് സൈനിയും പങ്കെടുത്തു. ആദ്യ ഹൈഡ്രജന് ട്രെയിനിലൂടെ ഹരിയാന ചരിത്രത്തില് ഇടം പിടിച്ചു എന്ന് പ്രധാനമന്ത്രി നരേന്ദ്ര മോദി പറഞ്ഞു.