ബ്രിജത് ഫിലിപ്പ് മാത്യു ഡാളസ്സില് നിര്യാതനായി; പൊതുദര്ശനം ജൂലൈ 13ന്
By: 600002 On: Jul 15, 2026, 11:11 AMപി പി ചെറിയാന്
ഡാലസ് മലയാളി സമൂഹത്തിലെ സജീവ സാന്നിധ്യമായിരുന്ന ബ്രിജില് ഫിലിപ്പ് മാത്യു (45) 2026 ജൂലൈ 3-ന് നിര്യാതനായി. മരണകാരണം കുടുംബാംഗങ്ങള് വെളിപ്പെടുത്തിയിട്ടില്ല. 1980 ആഗസ്റ്റ് 30-ന് ജനിച്ച അദ്ദേഹം തന്റെ സൗമ്യമായ പെരുമാറ്റത്തിലൂടെയും വിശ്വാസജീവിതത്തിലൂടെയും സമൂഹത്തില് ശ്രദ്ധേയനായിരുന്നു. അദ്ദേഹത്തിന്റെ അപ്രതീക്ഷിത വിയോഗം കുടുംബാംഗങ്ങളെയും സുഹൃത്തുക്കളെയും മലയാളി സമൂഹത്തെയും ദുഃഖത്തിലാഴ്ത്തി.
പൊതുദര്ശനം (Viewing) 2026 ജൂലൈ 13-ന് (തിങ്കളാഴ്ച) വൈകിട്ട് 7.00 മുതല് 8.00 വരെ റെസ്റ്റ്ലാന്ഡ് ഫ്യൂണറല് ഹോം 13005 Greenville Avenue, Dallas, TX 75243ല് നടക്കും.
സംസ്കാര ശുശ്രൂഷ 2026 ജൂലൈ 14-ന് (ചൊവ്വാഴ്ച) രാവിലെ 10.30-ന് അതേ സ്ഥലമായ റെസ്റ്റ്ലാന്ഡ് ഫ്യൂണറല് ഹോം-ല് നടക്കും. തുടര്ന്ന് റെസ്റ്റ്ലാന്ഡ് മെമ്മോറിയല് പാര്ക്കില് സംസ്കാരം നടത്തപ്പെടും.
സംസ്കാര ശുശ്രൂഷയ്ക്കുശേഷം കാല്വറി പെന്തക്കോസ്തല് ചര്ച്ച്, 725 W Arapaho Rd., Richardson, TX 75080ല് അനുശോചന സമ്മേളനവും ഉച്ചഭക്ഷണവും ക്രമീകരിച്ചിട്ടുണ്ടെന്ന് കുടുംബാംഗങ്ങള് അറിയിച്ചു.
ബ്രിജില് ഫിലിപ്പ് മാത്യുവിന്റെ വിയോഗത്തില് കുടുംബാംഗങ്ങളുടെയും സുഹൃത്തുക്കളുടെയും ദുഃഖത്തില് പങ്കുചേര്ന്ന് മലയാളി സമൂഹം ആദരാഞ്ജലികള് അര്പ്പിക്കുന്നു.