റിപ്പബ്ലിക്കന് പാര്ട്ടി സെനറ്റര് ലിന്ഡ്സി ഗ്രഹാം അന്തരിച്ചു
By: 600002 On: Jul 13, 2026, 4:30 PM
പി പി ചെറിയാന്
സൗത്ത് കരോളിന: അമേരിക്കന് രാഷ്ട്രീയത്തിലെ പ്രമുഖനായ റിപ്പബ്ലിക്കന് പാര്ട്ടി സെനറ്റര് ലിന്ഡ്സി ഗ്രഹാം (71) അന്തരിച്ചു. പെട്ടെന്നുണ്ടായ ആരോഗ്യപ്രശ്നങ്ങളെ തുടര്ന്ന് ശനിയാഴ്ച രാത്രിയോടെയായിരുന്നു അന്ത്യം. സൗത്ത് കരോളിനയില് നിന്നുള്ള സെനറ്ററായ അദ്ദേഹം വാഷിംഗ്ടണിലും സ്വന്തം സംസ്ഥാനത്തും ദീര്ഘകാലമായി റിപ്പബ്ലിക്കന് രാഷ്ട്രീയത്തിന്റെ മുന്നിര മുഖമായിരുന്നു.
സെനറ്റ് ബഡ്ജറ്റ് കമ്മിറ്റി ചെയര്മാനായിരുന്ന ലിന്ഡ്സി ഗ്രഹാം, മുന് അമേരിക്കന് പ്രസിഡന്റ് ഡൊണാള്ഡ് ട്രംപിന്റെ അടുത്ത അനുയായി കൂടിയായിരുന്നു. 1994-ല് ജനപ്രതിനിധി സഭയിലേക്കും 2002-ല് സെനറ്റിലേക്കും അദ്ദേഹം തിരഞ്ഞെടുക്കപ്പെട്ടു. ട്രംപിന്റെ ആദ്യ ഭരണകാലത്ത് സുപ്രീം കോടതി ജഡ്ജിമാരുടെ നിയമനം ഉള്പ്പെടെയുള്ള നിര്ണായക നീക്കങ്ങളില് ഗ്രഹാം പ്രധാന പങ്കുവഹിച്ചു. വിദേശനയങ്ങളിലും ദേശീയ സുരക്ഷാ വിഷയങ്ങളിലും ശക്തമായ നിലപാടുകളിലൂടെ അദ്ദേഹം ശ്രദ്ധേയനായിരുന്നു.
അദ്ദേഹത്തിന്റെ നിര്യാണത്തില് ഡൊണാള്ഡ് ട്രംപ്, ഇസ്രായേല് പ്രധാനമന്ത്രി ബെന്യാമിന് നെതന്യാഹു തുടങ്ങിയ പ്രമുഖ നേതാക്കള് അനുശോചനം രേഖപ്പെടുത്തി.