ലയണല് മെസ്സി: ലോകകപ്പ് ചരിത്രത്തില് ഏറ്റവും കൂടുതല് ഗോളുകള്ക്ക് വഴിയൊരുക്കിയ താരം എന്ന ചരിത്ര റെക്കോര്ഡ് സ്വന്തമാക്കി
By: 600002 On: Jul 13, 2026, 4:27 PM
പി പി ചെറിയാന്
ലോകകപ്പ് ക്വാര്ട്ടര് ഫൈനലില് സ്വിറ്റ്സര്ലന്ഡിനെ തകര്ത്ത് അര്ജന്റീന സെമി ഫൈനലിലേക്ക് മുന്നേറി. ഒന്നിനെതിരെ മൂന്ന് ഗോളുകള്ക്കായിരുന്നു അര്ജന്റീനയുടെ വിജയം. മത്സരത്തില് ഗോള് നേടാനായില്ലെങ്കിലും, ലോകകപ്പ് ചരിത്രത്തില് ഏറ്റവും കൂടുതല് ഗോളുകള്ക്ക് വഴിയൊരുക്കിയ താരം എന്ന ചരിത്ര റെക്കോര്ഡ് ലയണല് മെസ്സി സ്വന്തമാക്കി.
അലക്സിസ് മാക് അലിസ്റ്റര് നേടിയ അദ്യ ഗോളിന് വഴിയൊരുക്കിയതോടെ ലോകകപ്പില് മെസ്സിയുടെ ആകെ അസിസ്റ്റുകളുടെ എണ്ണം 10 ആയി. ഒന്പത് അസിസ്റ്റുകളുള്ള വെസ്റ്റ് ജര്മ്മനിയുടെ ഫ്രിറ്റ്സ് വാള്ട്ടറെയാണ് മെസ്സി മറികടന്നത്.
ഈ ലോകകപ്പില് ഇതുവരെ മെസ്സി 10 ഗോള് പങ്കാളിത്തങ്ങള് (8 ഗോള്, 2 അസിസ്റ്റ്) പൂര്ത്തിയാക്കി. 2022-ലും ഈ നേട്ടം കൈവരിച്ച മെസ്സി, തുടര്ച്ചയായ രണ്ട് ലോകകപ്പുകളില് 10-ലധികം ഗോള് പങ്കാളിത്തം നേടുന്ന രണ്ടാമത്തെ താരമായി (ഫ്രാന്സിന്റെ കിലിയന് എംബാപ്പെയാണ് ആദ്യ താരം).
10-ാം മിനിറ്റില് മക് അലിസ്റ്ററിലൂടെ അര്ജന്റീന മുന്നിലെത്തിയെങ്കിലും രണ്ടാം പകുതിയില് സ്വിറ്റ്സര്ലന്ഡ് സമനില പിടിച്ചു. തുടര്ന്ന് അധികസമയത്തേക്ക് നീണ്ട മത്സരത്തില് ജൂലിയന് അല്വാരസ്, ലൗട്ടാരോ മാര്ട്ടിനസ് എന്നിവര് നേടിയ ഗോളുകളാണ് അര്ജന്റീനയ്ക്ക് വിജയം സമ്മാനിച്ചത്.
ബുധനാഴ്ച (ജൂലൈ 15) നടക്കുന്ന ആവേശകരമായ സെമി ഫൈനലില് അര്ജന്റീന ഇംഗ്ലണ്ടിനെ നേരിടും.