ഫിഫ ലോകകപ്പ്: ബെല്ജിയത്തെ വീഴ്ത്തി സ്പെയിന്
By: 600002 On: Jul 11, 2026, 10:39 AM
ബെല്ജിയത്തെ വീഴ്ത്തി സ്പെയിന് ഫിഫ ലോകകപ്പ് സെമി ഫൈനലില്. ഒന്നിനെതിരെ രണ്ട് ഗോളുകള്ക്കാണ് സ്പാനിഷ് പടയുടെ ജയം. സെമി പോരാട്ടത്തില് കരുത്തരായ ഫ്രാന്സാണ് എതിരാളികള്.
മത്സരത്തിലുടനീളം തൊണ്ണൂറ്റിയൊന്ന് ശതമാനം കൃത്യതയോടെ സ്പാനിഷ് നിര കൈമാറിയത് 663 പാസുകളായിരുന്നു. പരുക്കേറ്റ പെഡ്രിക്ക് പകരം ആദ്യ ഇലവനില് സ്ഥാനം പിടിച്ച ഫാബിയാന് റൂയിസിലൂടെ മുപ്പതാം മിനിറ്റില് ആദ്യ ഗോള് നേടി. ജെറമി ഡോക്കുവിലൂടെ ബെല്ജിയം നടത്തിയ കൗണ്ടര് അറ്റാക്കുകള് എല്ലാം സ്പാനിഷ് പ്രതിരോധത്തില് തട്ടി തെറിച്ചു.
എന്നാല് 41ആം മിനിറ്റില് കെറ്റലെരെയുടെ തകര്പ്പന് ഹെഡര് ഗോളിലൂടെ ബെല്ജിയം സമനില പിടിച്ചു. രണ്ടാം പകുതിയില് സ്പെയിന് ആക്രമണം കടുപ്പിച്ചു. 59ആം മിനിറ്റില് ലുക്കാക്കുവിനെ ബെല്ജിയം കളത്തിലിറക്കിയെങ്കിലും കാര്യമുണ്ടായില്ല. മത്സരത്തിന് തൊട്ടുമുമ്പ് ക്യാപ്റ്റന് യൂറി ടീലേമന്സ് പരുക്കേറ്റ് പുറത്തായതും ബെല്ജിയത്തിന്റെ കണക്ക് കൂട്ടല് തെറ്റിച്ചു.