സ്വാതന്ത്ര്യദിന അവധിയില് റെക്കോര്ഡ് യാത്ര; 7.2 കോടി അമേരിക്കക്കാര് റോഡിലും ആകാശപാതയിലും, രാജ്യമൊട്ടാകെ വന് തിരക്ക്
By: 600002 On: Jul 4, 2026, 6:35 AMപ്രസാദ് തീയാടിക്കല്
വാഷിംഗ്ടണ്: അമേരിക്കയുടെ 250-ാം സ്വാതന്ത്ര്യദിന അവധിയോടനുബന്ധിച്ച് രാജ്യത്ത് ഈ വര്ഷം റെക്കോര്ഡ് യാത്രക്കാരുടെ തിരക്കാണ് അനുഭവപ്പെടുന്നത്. 7.2 കോടിയിലധികം അമേരിക്കക്കാര് (72 ദശലക്ഷം) സ്വന്തം വീടുകളില് നിന്ന് കുറഞ്ഞത് 50 മൈല് ദൂരമെങ്കിലും യാത്ര ചെയ്യുമെന്നാണ് അധികൃതരുടെ കണക്ക്.
രാജ്യത്തെ പ്രധാന വിമാനത്താവളങ്ങളിലും അന്തര്സംസ്ഥാന ഹൈവേകളിലും കനത്ത തിരക്ക് അനുഭവപ്പെടുകയാണ്. നിരവധി വിമാന സര്വീസുകള് നിറഞ്ഞതും പ്രധാന റോഡുകളില് ഗതാഗതക്കുരുക്ക് രൂക്ഷമായതുമാണ് റിപ്പോര്ട്ടുകള്.
യാത്രക്കാര് സാധാരണയേക്കാള് നേരത്തെ യാത്ര ആരംഭിക്കണമെന്നും വിമാനയാത്രക്കാര് ആവശ്യമായ സമയം മുന്കൂട്ടി വിമാനത്താവളങ്ങളില് എത്തണമെന്നും ഗതാഗത അധികൃതര് നിര്ദേശിച്ചു. തിരക്ക് മുഴുവന് അവധിക്കാലത്തുടനീളം തുടരുമെന്നാണ് വിലയിരുത്തല്.
സ്വാതന്ത്ര്യദിന ആഘോഷങ്ങള്ക്കായി കുടുംബസമേതം വിവിധ വിനോദസഞ്ചാര കേന്ദ്രങ്ങളിലേക്കും ബന്ധുവീടുകളിലേക്കും യാത്ര ചെയ്യുന്നവരുടെ എണ്ണമാണ് ഇത്തവണ റെക്കോര്ഡ് ഉയരത്തിലെത്താന് പ്രധാന കാരണമായത്.