ചിക്കാഗോയില് ജൂലൈ ഒന്നുമുതല് കുറഞ്ഞ വേതന നിരക്ക് പ്രാബല്യത്തില്; ആശ്വാസത്തോടെ തൊഴിലാളികള്
By: 600002 On: Jul 2, 2026, 10:52 AMപി പി ചെറിയാന്
ചിക്കാഗോ: ജൂലൈ ഒന്നിന് പ്രാബല്യത്തില് വന്ന പുതിയ നിയമപ്രകാരം ചിക്കാഗോയിലും കുക്ക് കൗണ്ടി പരിസരപ്രദേശങ്ങളിലും കുറഞ്ഞ വേതന നിരക്ക് വര്ദ്ധിപ്പിച്ചു. ഇതോടെ ആയിരക്കണക്കിന് മണിക്കൂര് വേതന തൊഴിലാളികളുടെ ശമ്പളത്തില് വര്ദ്ധനവുണ്ടാകും.
ചിക്കാഗോ നഗരത്തില് നാലോ അതിലധികമോ ജീവനക്കാരുള്ള സ്ഥാപനങ്ങളില് കുറഞ്ഞ വേതനം മണിക്കൂറിന് 16.60 ഡോളറില് നിന്ന് 17.05 ഡോളറായി ഉയര്ത്തി. ടിപ്പ് ലഭിക്കുന്ന ജീവനക്കാര്ക്ക് ഇത് 12.96 ഡോളര് ആണ്.
കുക്ക് കൗണ്ടിയില് ടിപ്പ് ലഭിക്കാത്ത ജീവനക്കാര്ക്ക് കുറഞ്ഞ വേതനം 15.40 ഡോളര് ആയും, ടിപ്പ് ലഭിക്കുന്നവര്ക്ക് 9.25 ഡോളര് ആയും വര്ദ്ധിപ്പിച്ചു.
വിലക്കയറ്റവും ജീവിതച്ചെലവും കുതിച്ചുയരുന്ന ഈ സാഹചര്യത്തില് ഈ ചെറിയ ശമ്പളവര്ദ്ധനവ് നിത്യജീവിതത്തിന് വലിയ ആശ്വാസമാകുമെന്ന് തൊഴിലാളികള് പ്രതികരിച്ചു. എന്നാല്, ജീവനക്കാരുടെ വേതനച്ചെലവ് കൂടുന്നത് തങ്ങളുടെ ബിസിനസ്സ് ലാഭത്തെ ബാധിക്കുമെന്ന ആശങ്കയിലാണ് റെസ്റ്റോറന്റ് ഉടമകള് ഉള്പ്പെടെയുള്ള ചെറുകിട വ്യാപാരികള്.