നേഷന് ഓഫ് ഇസ്ലാം' നേതാവ് ലൂയിസ് ഫറഖാന്റെ ഭാര്യ ഖദീജ ഫറഖാന് അന്തരിച്ചു
By: 600002 On: Jun 29, 2026, 9:19 AMപി പി ചെറിയാന്
നേഷന് ഓഫ് ഇസ്ലാം' മത-സാമൂഹിക പ്രസ്ഥാനത്തിന്റെ നേതാവ് ലൂയിസ് ഫറഖാന്റെ ഭാര്യ ഖദീജ ഫറഖാന് (90) അന്തരിച്ചു. ശനിയാഴ്ചയായിരുന്നു അന്ത്യം. സംഘടനയുടെ 'ഫസ്റ്റ് ലേഡി' എന്നും 'മദര് ഖദീജ' എന്നും അവര് അറിയപ്പെട്ടിരുന്നു. 72 വര്ഷമായി ലൂയിസ് ഫറഖാന്റെ പങ്കാളിയായിരുന്നു. കറുത്തവര്ഗ്ഗക്കാരുടെ സ്വയംപര്യാപ്തതയ്ക്കായി വാദിക്കുന്ന ഈ പ്രസ്ഥാനത്തിന്റെ ചിക്കാഗോയിലുള്ള ആസ്ഥാനം കേന്ദ്രീകരിച്ചായിരുന്നു അവരുടെ പ്രവര്ത്തനം.
ബെറ്റ്സി റോസ് എന്ന പേരില് ജനിച്ച അവര് 1953 സെപ്റ്റംബര് 12-നാണ് ലൂയിസ് ഫറഖാനെ വിവാഹം കഴിക്കുന്നത്. ഒമ്പത് മക്കളുണ്ട്.
പ്രശസ്ത സിവില് റൈറ്റ്സ് നേതാവ് മാല്ക്കം എക്സിന്റെ സ്വാധീനത്തില് ഭര്ത്താവ് പ്രസ്ഥാനത്തില് ചേര്ന്നതിന് പിന്നാലെ 1955-ലാണ് അവര് ഇസ്ലാം മതം സ്വീകരിക്കുന്നതും പേര് മാറ്റുന്നതും.
1997-ല് ഫിലാഡല്ഫിയയില് നടന്ന 'മില്യണ് വുമണ് മാര്ച്ചി'ല് അവര് പങ്കെടുത്തു സംസാരിച്ചിരുന്നു. 'സ്ത്രീകളുടെ വളര്ച്ചയ്ക്കപ്പുറം ഒരു സമൂഹത്തിനും ഉയരാന് കഴിയില്ല' എന്ന അവരുടെ വാക്കുകള് ഏറെ ശ്രദ്ധേയമായിരുന്നു.
അവരുടെ നിര്യാണത്തില് വിവിധ സാമൂഹിക-സാംസ്കാരിക നേതാക്കള് അനുശോചനം രേഖപ്പെടുത്തി. സംസ്കാര ചടങ്ങുകള് പിന്നീട് അറിയിക്കുമെന്ന് സംഘടനയുടെ എക്സിക്യൂട്ടീവ് കൗണ്സില് പ്രസ്താവനയില് അറിയിച്ചു.