ഒക്ലഹോമയില് ജൂലൈ 1 മുതല് അധ്യാപകരുടെ ശമ്പളം വര്ദ്ധിക്കും; വിദ്യാര്ത്ഥികള്ക്ക് മൊബൈല് ഫോണ് വിലക്ക്
By: 600002 On: Jun 29, 2026, 8:55 AMപി പി ചെറിയാന്
ഒക്ലഹോമ: ഒക്ലഹോമ സംസ്ഥാനത്ത് ജൂലൈ 1 മുതല് പുതിയ വിദ്യാഭ്യാസ നിയമങ്ങള് നിലവില് വരുന്നു. പ്രധാനമായും രണ്ട് മാറ്റങ്ങളാണ് പുതിയ ബില്ലുകളിലൂടെ വരുന്നത്:
സംസ്ഥാനത്തെ അധ്യാപകരുടെ അടിസ്ഥാന ശമ്പളത്തില് 2,000 ഡോളറിന്റെ വര്ദ്ധനവ് ഉണ്ടാകും. വിദ്യാര്ത്ഥികള് സ്കൂളില് എത്തുന്നതു മുതല് ക്ലാസ് കഴിയുന്നതു വരെ മൊബൈല് ഫോണുകള് പൂര്ണ്ണമായും പൂട്ടി വെക്കണം.
പരീക്ഷണാടിസ്ഥാനത്തില് നടപ്പിലാക്കിയ ഈ പദ്ധതി വന് വിജയമായതിനെത്തുടര്ന്നാണ് ഇപ്പോള് നിയമമാക്കുന്നത്. ഇത് വിദ്യാര്ത്ഥികളുടെ പഠനനിലവാരം ഉയര്ത്താനും അച്ചടക്കം നിലനിര്ത്താനും സഹായിച്ചതായി അധികൃതര് വ്യക്തമാക്കി. എന്നാല് അടിയന്തിര ഘട്ടങ്ങളില് ഫോണ് ഉപയോഗിക്കാന് വിദ്യാര്ത്ഥികള്ക്ക് അനുവാദമുണ്ടായിരിക്കും.