അമിതവണ്ണം മൂലം 7 വയസ്സുകാരന് മരിച്ചു; മാതാപിതാക്കള്ക്കെതിരെ കൊലക്കുറ്റം
By: 600002 On: Jun 27, 2026, 7:36 AM
പി പി ചെറിയാന്
മിഷിഗണ്: മിഷിഗണില് ക്രൂരമായ അവഗണനയെത്തുടര്ന്ന് 255 പൗണ്ട് (ഏകദേശം 115 കിലോഗ്രാം) തൂക്കമുണ്ടായിരുന്ന ഏഴു വയസ്സുകാരന് മരിച്ച സംഭവത്തില് മാതാപിതാക്കള്ക്കെതിരെ കൊലക്കുറ്റം ചുമത്തി. ഡാമിയന് ഒബ്രിയന്, ജെസീക്ക ഒബ്രിയന് എന്നിവര്ക്കെതിരെയാണ് രണ്ടാം ബിരുദ കൊലപാതകം, കുട്ടികളെ പീഡിപ്പിക്കല് തുടങ്ങിയ കുറ്റങ്ങള് ചുമത്തിയത്.
ക്ലാസ്പര് ഒബ്രിയന് എന്ന കുട്ടി കഴിഞ്ഞ നവംബറിലാണ് ഹൃദയസ്തംഭനവും അമിതവണ്ണവും മൂലം മരണപ്പെട്ടത്. ഈ പ്രായത്തിലുള്ള കുട്ടികള്ക്ക് 50 മുതല് 73 പൗണ്ട് വരെ തൂക്കം ഉണ്ടാകേണ്ട സ്ഥാനത്താണ് കുട്ടിക്ക് ഇത്രയും അമിതവണ്ണമുണ്ടായിരുന്നത്. കുട്ടിയെ സ്കൂളില് അയച്ചിരുന്നില്ലെന്നും, ഫ്രെഞ്ച് ഫ്രൈസും ചിപ്സും മാത്രമാണ് മാതാപിതാക്കള് ഭക്ഷണമായി നല്കിയിരുന്നതെന്നും പ്രൊസിക്യൂട്ടര്മാര് വ്യക്തമാക്കി.
കുട്ടിയുടെ കടുത്ത ദുരിതത്തിനും മരണത്തിനും കാരണം മാതാപിതാക്കളുടെ അങ്ങേയറ്റത്തെ അവഗണനയാണെന്ന് അധികൃതര് ചൂണ്ടിക്കാട്ടി. കേസില് ജൂലൈ രണ്ടിന് കോടതി വിധി പറയും.