പൈലറ്റിന് വിമാനം പറന്നുകൊണ്ടിരിക്കെ ശാരീരിക അസ്വസ്ഥത; ഹാലിഫാക്സിലേക്കുള്ള എയര് കാനഡ വിമാനം ബോസ്റ്റണില് അടിയന്തരമായി ഇറക്കി
By: 600002 On: Jun 26, 2026, 12:09 PMപ്രസാദ് തീയാടിക്കല്
ബോസ്റ്റണ്: ന്യൂജഴ്സിയിലെ നെവാര്ക്കില് നിന്ന് കാനഡയിലെ ഹാലിഫാക്സിലേക്കു പുറപ്പെട്ട എയര് കാനഡയുടെ പ്രാദേശിക സര്വീസ് വിമാനം പൈലറ്റിന് മധ്യവിമാനത്തില് ഗുരുതരമായ ശാരീരിക അസ്വസ്ഥത അനുഭവപ്പെട്ടതിനെ തുടര്ന്ന് അമേരിക്കയിലെ ബോസ്റ്റണ് ലോഗന് അന്താരാഷ്ട്ര വിമാനത്താവളത്തില് അടിയന്തരമായി ഇറക്കി.
ജഅഘ എയര്ലൈന്സ് എയര് കാനഡയ്ക്കായി സര്വീസ് നടത്തിയ AC7664 വിമാനത്തിലെ ക്യാപ്റ്റന് വിമാനയാത്രയ്ക്കിടെ പെട്ടെന്ന് അസ്വസ്ഥനാകുകയായിരുന്നു. സുരക്ഷാ നടപടികളുടെ ഭാഗമായി ക്യാപ്റ്റനെ കോക്പിറ്റില് നിന്ന് മാറ്റുകയും ഫസ്റ്റ് ഓഫീസര് (കോ-പൈലറ്റ്) വിമാനത്തിന്റെ നിയന്ത്രണം ഏറ്റെടുത്ത് സുരക്ഷിതമായി ബോസ്റ്റണില് ഇറക്കുകയും ചെയ്തു. വിമാനത്തില് 61 യാത്രക്കാരുണ്ടായിരുന്നു.
യാത്രക്കാരുടെ മൊഴിപ്രകാരം, പൈലറ്റിന് അസ്വസ്ഥത ഉണ്ടായതിനെ തുടര്ന്ന് വിമാനം പലതവണ ശക്തമായി ആടിയതായി അനുഭവപ്പെട്ടു. വിമാന ജീവനക്കാരുടെ അഭ്യര്ഥനയെ തുടര്ന്ന് ചില യാത്രക്കാര് ചേര്ന്ന് അസ്വസ്ഥനായ പൈലറ്റിനെ സുരക്ഷിതമായി നിയന്ത്രിക്കാന് സഹായിച്ചതായും റിപ്പോര്ട്ടുണ്ട്.
വിമാനം സുരക്ഷിതമായി ബോസ്റ്റണില് ഇറങ്ങിയതിനെ തുടര്ന്ന് അടിയന്തര മെഡിക്കല് സംഘം പൈലറ്റിനെ ആശുപത്രിയിലേക്ക് മാറ്റി. പിന്നീട് യാത്രക്കാര്ക്കായി മറ്റൊരു ക്രമീകരണം ഒരുക്കി വിമാനം ഹാലിഫാക്സിലേക്ക് യാത്ര തുടര്ന്നു. പൈലറ്റിന്റെ നിലവിലെ ആരോഗ്യനിലയെക്കുറിച്ച് എയര് കാനഡ കൂടുതല് വിവരങ്ങള് പുറത്തുവിട്ടിട്ടില്ല.