ന്യൂയോര്ക്കില് ഡെമോക്രാറ്റിക് പാര്ട്ടിയെ ഞെട്ടിച്ച് ഇടതുപക്ഷ മുന്നേറ്റം; മൂന്ന് ജനപ്രതിനിധി സഭകളിലും അട്ടിമറി വിജയം
By: 600002 On: Jun 26, 2026, 11:15 AM
പി പി ചെറിയാന്
ന്യൂയോര്ക്ക് സിറ്റിയില് നടന്ന ഡെമോക്രാറ്റിക് പാര്ട്ടി പ്രൈമറി തിരഞ്ഞെടുപ്പുകളില് പാര്ട്ടിയുടെ ഔദ്യോഗിക നേതൃത്വത്തെ അട്ടിമറിച്ച് ഇടതുപക്ഷ സ്വഭാവമുള്ള മൂന്ന് സ്ഥാനാര്ത്ഥികള്ക്ക് മിന്നുന്ന വിജയം. മേയര് സോഹ്റാന് മംദാനിയുടെ പിന്തുണയോടെ മത്സരിച്ച പ്രോഗ്രസീവ് സ്ഥാനാര്ത്ഥികളാണ് വന് അട്ടിമറി നടത്തിയത്. കോണ്ഗ്രഷണല് ഹിസ്പാനിക് കോക്കസ് ചെയര്മാന് അഡ്രിയാനോ എസ്പായ്ലറ്റ് ഉള്പ്പെടെയുള്ള പ്രമുഖ നേതാക്കള് ഈ തിരഞ്ഞെടുപ്പില് പരാജയപ്പെട്ടു.
നിലവിലെ രാഷ്ട്രീയ വ്യവസ്ഥിതിയോടും പാര്ട്ടി നേതൃത്വത്തോടുമുള്ള ജനങ്ങളുടെ ശക്തമായ അമര്ഷമാണ് ഈ അട്ടിമറി വിജയത്തിന് കാരണമായി വിലയിരുത്തപ്പെടുന്നത്. ന്യൂയോര്ക്കിലെ ഈ തീവ്ര ഇടതുപക്ഷ മുന്നേറ്റം സെനറ്റ് മൈനോറിറ്റി ലീഡര് ചക്ക് ഷൂമര്, ഹൗസ് മൈനോറിറ്റി ലീഡര് ഹക്കീം ജെഫ്രീസ് എന്നിവരുള്പ്പെടെയുള്ള ഡെമോക്രാറ്റിക് പാര്ട്ടിയുടെ മുതിര്ന്ന നേതാക്കള്ക്ക് വന് രാഷ്ട്രീയ സമ്മര്ദ്ദമുണ്ടാക്കുന്നതാണ്.