ഡാളസില് യുവതിയെ കുത്തിക്കൊന്ന് ഫ്രീസറിലിട്ടു; പങ്കാളി അറസ്റ്റില്
By: 600002 On: Jun 24, 2026, 12:29 PM
പി പി ചെറിയാന്
ഡാളസ്: ടെക്സസിലെ ഓക്ക് ക്ലിഫില് 27-കാരിയായ മരിയ മറെ എന്ന യുവതിയെ കുത്തിക്കൊന്ന് ഫ്രീസറിലിറക്കി വെച്ച നിലയില് കണ്ടെത്തിയ സംഭവത്തില് പങ്കാളിയായ കെന്ഡ്രിക് ബ്രൗണ് (51) എന്നയാളെ ചൊവ്വാഴ്ച പോലീസ് അറസ്റ്റ് ചെയ്തു. ബ്രൗണ് ഡാലസ് കൗണ്ടി ജയിലില് തടവില് കഴിയുന്ന അദ്ദേഹത്തിന്റെ ജാമ്യം 250,000 ഡോളര് ആയി നിശ്ചയിച്ചിരിക്കുന്നു.
മേയ് 10-നാണ് ഒരു അജ്ഞാത ഫോണ് സന്ദേശത്തെത്തുടര്ന്ന് പോലീസ് നടത്തിയ തിരച്ചിലില് വീട്ടിലെ ഫ്രീസറിനുള്ളില് നിന്ന് മൃതദേഹം കണ്ടെത്തിയത്.
മൃതദേഹം പൂര്ണ്ണമായും ഐസ് ആയതിനാല് ഡിഫ്രോസ്റ്റ് ചെയ്ത ശേഷമാണ് പോസ്റ്റ്മോര്ട്ടം നടത്തിയത്. യുവതിക്ക് നിരവധി കുത്തുകളേറ്റിട്ടുണ്ടെന്ന് പോസ്റ്റ്മോര്ട്ടത്തില് വ്യക്തമായി. സംഭവസ്ഥലത്തുനിന്ന് രക്തക്കറകളും കൊലപാതകത്തിന് ഉപയോഗിച്ചതെന്ന് കരുതുന്ന വലിയ സൈനിക കത്തിയും പോലീസ് കണ്ടെടുത്തു. പ്രതിയായ കെന്ഡ്രിക് ബ്രൗണിനെ 2.5 ലക്ഷം ഡോളര് ജാമ്യത്തുകയില് ഡാളസ് കൗണ്ടി ജയിലില് പാര്പ്പിച്ചിരിക്കുകയാണ്.