ഇന്ത്യയിലെ ഗ്രാമീണ വികസനത്തിനായി കാലിഫോര്ണിയയില് 4 മില്യണ് ഡോളര് സമാഹരിച്ചു
By: 600002 On: Jun 23, 2026, 10:24 AM
പി പി ചെറിയാന്
ഓറഞ്ച്, കാലിഫോര്ണിയ: ഇന്ത്യയിലെ ഗ്രാമീണ മേഖലകളുടെ വികസനത്തിനായി കാലിഫോര്ണിയയില് നടന്ന ചടങ്ങില് 4 മില്യണ് ഡോളര് (ഏകദേശം 33 കോടിയിലധികം രൂപ) ധനസമാഹരണം നടത്തി. 'ബെര്ക്ക്ലി ഹാസ്' മായി സഹകരിച്ച് പ്രവര്ത്തിക്കുന്ന 'സ്മാര്ട്ട് വില്ലേജ് മൂവ്മെന്റ്' സംഘടിപ്പിച്ച ആദ്യ വാര്ഷിക ഗാലയിലാണ് ഈ തുക സമാഹരിച്ചത്.
കഴിഞ്ഞ ഒന്പത് വര്ഷമായി ഇന്ത്യയിലെ 1,200 ഓളം ഗ്രാമങ്ങളിലായി 16 ലക്ഷത്തിലധികം ആളുകളിലേക്ക് സമാധാനപരവും സുസ്ഥിരവുമായ വികസനം എത്തിക്കാന് SVMന് സാധിച്ചിട്ടുണ്ട്. ലോസ് ആഞ്ചലസിലെ ഇന്ത്യന് കോണ്സല് ജനറല് ഡോ. കെ. ജെ. ശ്രീനിവാസ, പ്രമുഖ വ്യവസായിയും ജീവകാരുണ്യ പ്രവര്ത്തകനുമായ മനു ഷാ, SVM സ്ഥാപകന് ഡോ. അനില് ഷാ എന്നിവരടക്കം നിരവധി പ്രമുഖര് ചടങ്ങില് പങ്കെടുത്തു.
ടൈപ്പ് 1 പ്രമേഹബാധിതരായ കുട്ടികള്ക്കായി ഐഐടി ഖരഗ്പൂരുമായി സഹകരിച്ച് കുറഞ്ഞ ചെലവിലുള്ള ഗ്ലൂക്കോസ് മോണിറ്ററിംഗ് ഉപകരണം വികസിപ്പിക്കും. കൂടാതെ 13 ലക്ഷത്തിലധികം ആളുകള്ക്ക് ഉപകാരപ്പെടുന്ന ഒരു സൂപ്പര് സ്പെഷ്യാലിറ്റി ഹെല്ത്ത് കെയര് സെന്ററും സ്ഥാപിക്കും.
ഗുജറാത്ത്, മേഘാലയ തുടങ്ങിയ സംസ്ഥാനങ്ങളിലെ ഗ്രാമീണ വിദ്യാര്ത്ഥികള്ക്കായി STEM (സയന്സ്, ടെക്നോളജി, എന്ജിനീയറിങ്, മാത്സ്) ഇന്നൊവേഷന് ലാബുകള് വ്യാപിപ്പിക്കും.
ഗ്രാമീണ മേഖലകളിലെ കൃഷി, ഉപജീവനമാര്ഗ്ഗങ്ങള്, അടിസ്ഥാന സൗകര്യ വികസനം എന്നിവയ്ക്കും ഈ തുക വിനിയോഗിക്കും.