മിന്നലേറ്റ് ഫ്രിസ്കോ, പ്ലാനോ, അലന്, ഡാലസ് നഗരങ്ങളില് വീടുകള്ക്ക് തീപിടിത്തം; നിരവധി അഗ്നിശമന സേനാംഗങ്ങള് രക്ഷാപ്രവര്ത്തനത്തില്
By: 600002 On: Jun 20, 2026, 9:12 AM
പ്രസാദ് തീയാടിക്കല്
ഡാലസ്: ജൂണ് 19 വെള്ളിയാഴ്ച രാവിലെ ഉത്തര ടെക്സസില് ഉണ്ടായ ശക്തമായ ഇടിമിന്നല് മഴയെ തുടര്ന്ന് ഫ്രിസ്കോ, പ്ലാനോ, അലന്, ഡാലസ് എന്നിവിടങ്ങളിലായി നിരവധി വീടുകള്ക്ക് തീപിടിത്തമുണ്ടായി. മിന്നലാകാം തീപിടിത്തങ്ങള്ക്ക് കാരണമെന്ന് അഗ്നിശമന സേനയുടെ പ്രാഥമിക നിഗമനം.
ഫ്രിസ്കോയിലെ ഒരു വീടിന് നേരിട്ട് മിന്നലേറ്റതിനെ തുടര്ന്ന് വലിയ തീപിടിത്തമുണ്ടായി. പ്ലാനോയില് കുറഞ്ഞത് അഞ്ച് തീപിടിത്തങ്ങള് മിന്നലുമായി ബന്ധപ്പെട്ടിരിക്കാമെന്ന് അധികൃതര് പരിശോധിക്കുന്നു.
അലനില് തീ അണയ്ക്കുന്നതിനിടെ ഒരു അഗ്നിശമന സേനാംഗത്തിന് പരിക്കേറ്റു. ഡാലസില് മൂന്ന് നിലകളുള്ള ഒരു വീട്ടില് ഉണ്ടായ വലിയ തീപിടിത്തം അണയ്ക്കാന് 70-ലേറെ അഗ്നിശമന സേനാംഗങ്ങള് രംഗത്തെത്തി. ഇതുവരെ മറ്റ് ആളപായങ്ങള് റിപ്പോര്ട്ട് ചെയ്തിട്ടില്ല.