അലബാമ വാള്മാര്ട്ട് പാര്ക്കിംഗില് രക്തച്ചൊരിച്ചില്; സുരക്ഷാ ജീവനക്കാരുമായി പോയ ബസില് കുത്തേറ്റ് ഒരാള് മരിച്ചു
By: 600002 On: Jun 17, 2026, 1:12 PM
പ്രസാദ് തീയാടിക്കല്
ബെസ്സെമര്, അലബാമ: ഏകദേശം 40 സുരക്ഷാ ജീവനക്കാരുമായി യാത്ര ചെയ്തിരുന്ന ഒരു ചാര്ട്ടര് ബസിനുള്ളില് ഉണ്ടായ കുത്തേറ്റ സംഭവത്തില് ഒരാള് കൊല്ലപ്പെടുകയും നാലുപേര്ക്ക് പരിക്കേല്ക്കുകയും ചെയ്തു. സംഭവം തിങ്കളാഴ്ച ഉച്ചയോടെ അലബാമയിലെ ബെസ്സെമറിലെ വാള്മാര്ട്ട് പാര്ക്കിംഗ് ലോട്ടിലാണ് നടന്നത്.
പോലീസ് വിവരമനുസരിച്ച്, ടെനെസിയില് നടന്ന ഒരു പരിപാടിയില് നിന്ന് ലൂസിയാനയിലേക്ക് മടങ്ങുകയായിരുന്ന സുരക്ഷാ ജീവനക്കാരുടെ സംഘത്തിനിടയില് ബസിനുള്ളില് വാക്കേറ്റം ഉണ്ടായതിനെ തുടര്ന്നാണ് ആക്രമണം നടന്നത്. ഗുരുതരമായി പരിക്കേറ്റ നാല് പേരെയും ആശുപത്രിയില് പ്രവേശിപ്പിച്ചെങ്കിലും ഒരാള് പിന്നീട് മരിച്ചു.
മരിച്ചയാളെ 22-കാരനായ ഡാരിയല് സട്ടണ് എന്ന ന്യൂ ഓര്ലീന്സ് സ്വദേശിയായി തിരിച്ചറിഞ്ഞിട്ടുണ്ട്. സംഭവവുമായി ബന്ധപ്പെട്ട് ഒരാളെ പൊലീസ് കസ്റ്റഡിയിലെടുത്തിട്ടുണ്ട്. അന്വേഷണം തുടരുകയാണ്.