കാനഡയിലെ എണ്ണ-വാതക മേഖലയിൽ അടുത്ത പത്ത് വർഷത്തിനുള്ളിൽ 72,000 തൊഴിലാളികളെ ആവശ്യമുണ്ടാകുമെന്ന് പുതിയ റിപ്പോർട്ട്

കാനഡയിലെ എണ്ണ-വാതക മേഖലയിൽ അടുത്ത പത്ത് വർഷത്തിനുള്ളിൽ 72,000 തൊഴിലാളികളെ ആവശ്യമുണ്ടാകുമെന്ന് കരിയേഴ്‌സ് ഇൻ എനർജി പുറത്തിറക്കിയ പുതിയ റിപ്പോർട്ട് വ്യക്തമാക്കുന്നു. വിരമിക്കുന്ന തൊഴിലാളികൾക്ക് പകരം വയ്ക്കാനാണ് ഇതിൽ ഭൂരിഭാഗം നിയമനങ്ങളും. എന്നാൽ പൈപ്പ്‌ലൈൻ പോലുള്ള വലിയ പദ്ധതികൾ നടപ്പിലായാൽ ആവശ്യകത 100,000-ൽ കൂടുതലാകാനും സാധ്യതയുണ്ട്.

2027 മുതൽ വിരമിക്കൽ വർധിക്കുന്നതിനാൽ തൊഴിലാളികളുടെ ക്ഷാമം തുടങ്ങുമെന്ന് റിപ്പോർട്ട് മുന്നറിയിപ്പ് നൽകുന്നു. രാജ്യത്തെ വിശ്വസനീയമായ ആഗോള എണ്ണ-വാതക വിതരണക്കാരാക്കാനുള്ള ഫെഡറൽ ലക്ഷ്യങ്ങൾ തൊഴിലാളികളുടെ ലഭ്യതയെ ആശ്രയിച്ചാണിരിക്കുന്നത്. 2025-ൽ എണ്ണ-വാതക മേഖലയിൽ നേരിട്ട് 1,92,500 പേർ ജോലി ചെയ്തിരുന്നു. 2035-ഓടെ അത് 210,900 ആയി ഉയരുമെന്നാണ് പ്രവചനം.

വെൽഡർമാർ, മെക്കാനിക്കുകൾ, എഞ്ചിനീയർമാർ  തുടങ്ങി വിവിധ മേഖലകളിൽ ഉയർന്ന ശമ്പളമുള്ള അവസരങ്ങൾ ലഭ്യമാകുമെങ്കിലും, പല ജോലികളും ദൂരപ്രദേശങ്ങളിലാണ്. യുവാക്കൾക്കിടയിൽ തൊഴിലില്ലായ്മ ഇരട്ടിയിലധികം നിലനിൽക്കുന്ന സാഹചര്യത്തിൽ, ഓട്ടോമേഷൻ പ്രയാസമുള്ള മേഖലകളിലെ ജോലികൾ വലിയ അവസരങ്ങളാണ് മുന്നോട്ടു വയ്ക്കുന്നത്.