ചിരി മാഞ്ഞു; സലിം കുമാറിന് യാത്രാമൊഴി നല്കി നാട്
By: 600002 On: Jun 7, 2026, 5:46 PM
അന്തരിച്ച മലയാളത്തിന്റെ പ്രിയനടന് സലിംകുമാറിന് യാത്രാമൊഴി ചൊല്ലി നാട്. പറവൂരിലെ വീട്ടുവളപ്പില് ഔദ്യോഗിക ബഹുമതികളോടെ സംസ്കാര ചടങ്ങുകള് നടന്നു. പറവൂര് ടൗണ്ഹാളിലും വീട്ടിലും അന്ത്യാഞ്ജലി അര്പ്പിക്കാനായി ആയിരങ്ങള് ഒഴുകിയെത്തി.
രാവിലെ എട്ടുമണിക്ക് ശേഷമാണ് സലിംകുമാറിന്റെ ഭൗതികശരീരം, പറവൂര് ടൗണ്ഹാളിലേക്ക് കൊണ്ടുപോയത്. ആയിരങ്ങള് ആദരാഞ്ജലി അര്പ്പിക്കാന് ഒഴുകിയെത്തി. മുഖ്യമന്ത്രിയും മന്ത്രിമാരും ജനപ്രതിനിധികളും ഉള്പ്പെടെ ഭരണ-രാഷ്ട്രീയ മേഖലയിലുള്ളവര് ടൗണ്ഹാളിലെത്തി.
നടന് സലിം കുമാറിന്റെ വിയോഗത്തില് പ്രധാനമന്ത്രി നരേന്ദ്രമോദി അനുശോചനം രേഖപ്പെടുത്തി. വൈവിധ്യമാര്ന്ന വേഷങ്ങളിലൂടെയും അവിസ്മരണീയമായ പ്രകടനങ്ങളിലൂടെയും വ്യക്തിമുദ്ര പതിപ്പിച്ച നടനെന്ന് പ്രധാനമന്ത്രി എക്സില് കുറിച്ചു.