23 വര്ഷം നീണ്ട വിവാഹമോചന പോരാട്ടത്തിന് വിരാമം; ഇന്ത്യന് വംശജയ്ക്ക് 85 കോടി രൂപ നഷ്ടപരിഹാരം
By: 600002 On: Jun 5, 2026, 9:34 AM
പ്രസാദ് തീയാടിക്കല്
ലണ്ടന്: യുകെയില് 23 വര്ഷം നീണ്ടുനിന്ന വിവാഹമോചന നിയമപോരാട്ടത്തിന് ഒടുവില് വിരാമമായി. ഇന്ത്യന് വംശജയായ വര്ഷ ഗോഹിലിന് (Varsha Gohil) യുകെ ഹൈക്കോടതി ഏകദേശം 6.6 മില്യണ് പൗണ്ട് (ഏകദേശം 85 കോടി രൂപ) നഷ്ടപരിഹാരം അനുവദിച്ചു.
2002-ല് വിവാഹമോചന നടപടികള് ആരംഭിച്ച കേസാണ് പിന്നീട് യുകെയിലെ ഏറ്റവും ദൈര്ഘ്യമേറിയ കുടുംബകോടതി തര്ക്കങ്ങളില് ഒന്നായി മാറിയത്. ഭര്ത്താവായ ഭദ്രേഷ് ഗോഹില് തന്റെ കോടിക്കണക്കിന് പൗണ്ടിന്റെ സ്വത്തുവിവരങ്ങള് കോടതിയില് നിന്ന് മറച്ചുവെച്ചുവെന്നാണ് വര്ഷ ഗോഹില് ആരോപിച്ചത്.
തുടര്ന്ന് വര്ഷങ്ങളോളം നീണ്ട അന്വേഷണങ്ങള്ക്കും നിയമനടപടികള്ക്കും ശേഷമാണ് ഭര്ത്താവിന്റെ സാമ്പത്തിക വിവരങ്ങളില് ഗുരുതരമായ മറച്ചുവെക്കലുകള് ഉണ്ടായിരുന്നുവെന്ന് കോടതി കണ്ടെത്തിയത്. ഇതിന്റെ അടിസ്ഥാനത്തിലാണ് വര്ഷ ഗോഹിലിന് വന്തുക നഷ്ടപരിഹാരമായി നല്കാന് കോടതി ഉത്തരവിട്ടത്.
വിധിയെ തുടര്ന്ന്, വിവാഹമോചന കേസുകളില് സ്വത്തുക്കളും സാമ്പത്തിക വിവരങ്ങളും പൂര്ണമായി വെളിപ്പെടുത്തേണ്ടതിന്റെ പ്രാധാന്യം ഈ കേസ് വീണ്ടും വ്യക്തമാക്കുന്നതായി നിയമവിദഗ്ധര് അഭിപ്രായപ്പെട്ടു.
23 വര്ഷം നീണ്ട ഈ നിയമപോരാട്ടത്തിന്റെ അവസാന വിധി യുകെയിലെ കുടുംബനിയമ രംഗത്ത് ശ്രദ്ധേയമായ കേസുകളിലൊന്നായി വിലയിരുത്തപ്പെടുന്നു.